BDU zaniaŭ 1208-je miesca 18

z 12.006 u suśvietnym viebamietryčnym rejtynhu ŭniviersitetaŭ, paviedamiła pres-słužba BDU.

Rejtynh składajecca z 2004 hoda ispanskaj daśledčaj hrupaj Laboratorio de Internet dvojčy na hod — u studzieni i lipieni. Vynikovy rejtynh raźličvajecca jak siarednieŭzvažanaje čatyroch pakazčykaŭ: «bačnaść», «pamier», «śpiecyjalnyja fajły» i «navukovyja publikacyi».

Na praciahu apošnich troch hadoŭ rejtynh BDU pastajanna ŭzrastaje, zaznačaje pres-słužba. Tak, u lipieni 2009 hoda ŭniviersitet zajmaŭ 1.916-ju pazicyju, u studzieni 2010-ha — 1.732-ju, u lipieni 2010-ha — 1.476-ju, u studzieni hetaha — 1.474-ju, u lipieni — jašče na 266 pazicyj vyšej. A pa pakazčyku «navukovyja publikacyi» BDU zajmaje 529-je miesca.

Zaŭvažajecca, što ŭ suśvietnym viebamietryčnym rejtynhu ŭniviersitetaŭ BDU apiaredziŭ usie biełaruskija i ŭkrainskija VNU. Z rasijskich VNU tolki dzieviać majuć bolš vysokija pakazčyki: MDU, Kazanski, Sankt-Pieciarburhski, Novasibirski, Tomski i Uralski ŭniviersitety, Maskoŭski fizika-techničny ŭniviersitet, a taksama Tomski politechničny ŭniviersitet i Vyšejšaja škoła ekanomiki.

Uznačalvaje rejtynh Masačusiecki technałahičny instytut, dalej iduć Harvardski ŭniviersitet, Stenfardski ŭniviersitet, Univiersitet Karnieła, Kalifarnijski ŭniviersitet (Bierkli) i inš.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH