Na sajcie Kamiteta dziaržaŭnaha kantrola Biełarusi źjaviłasia aficyjnaje paviedamleńnie pra toje, što 4 žniŭnia 2011 h. «orhanami finansavych rasśledavańniaŭ pa fakcie niapłaty padatkaŭ u asabliva bujnym pamiery ŭ dačynieńni da hramadzianina Respubliki Biełaruś 1962 h.n. ŭzbudžanaja kryminalnaja sprava pa č.2 art.243 KK».
Proźvišča nie nazvanaje, adnak jość padstavy mierkavać, što majecca na ŭvazie kiraŭnik «Viasny» Aleś Bialacki — hod naradžeńnia i čas uzbudžeńnia spravy supadaje. «Pravieračnymi mierapryjemstvami ŭstanoŭlena, što suma dachodu, nie pakazanyja im u padatkovych dekłaracyjach i jakaja padlahaje padatkaabkładańniu, skłała bolš za 1 młrd. rubloŭ, a suma niavypłačanaha dadzienych hramadzianinam padachodnaha padatku skłała 143,7 młn. rubloŭ, h.zn. ŭ asabliva bujnym pamiery. U ciapierašni čas pravodziacca śledčyja dziejańni», — adznačajecca ŭ paviedamleńni.
