Ci varta niezaležnym muzykantam vystupać na dziaržTV?

Na sajcie«Tuzin Hitoŭ» pačałasia dyskusija, źmiest jakoj zaklučajecca ŭ pytńni,

ci varta niezaležnym muzykantam vystupać na dziaržaŭnym telebačańni?

Hurt Akute padčas svajho znachodžańnia na pieršych prystupkach hit-paradu «Tuzin hitoŭ» atrymaŭ zaprašeńnie ad telekanału ANT paŭdzielničać u šou «Estradnyj koktiejl». Muzyki parailisia i vyrašyli admovicca ad prapanovy. «My nie bačym siabie ŭ niejkich patasnych mierapryjemstvach, — tłumačyć udzielnik hurtu Raman Žyharaŭ. — My hurt inšaha kštałtu i ŭ nas niama mety zaśviacicca ŭ teleskryni». Pryčynaj admovy muzykant nazyvaje toje, što na padobnych prahramach treba hrać pad fanahramu. «Ja razumieju patrabavańni telepradusaraŭ dy ich imknieńnie stvaryć karcinku naležnaj jakaści, ale pierakanany, što rok-muzyka musić być žyvoj, pad plus vystupać niedazvalalna». Pry tym Akute hatovy trapić u eter u vypadku taho, kali niejki ź biełaruskich dziaržkanałaŭ prapanuje syhrać užyvuju.

«Nie treba tolki ličyć nas kišennymi rokierami za takoje mierkavańnie.

My prosta lubim muzyku i razhladajem jaje pa-za palitykaj. Pahatoŭ, ani słoŭca pra palityku ŭ svaich tekstach nie znachodžu», — zaznačaje Raman.

A voś hurt Handmade stała prapisaŭsia ŭ efiry taho ž ANT. Muzyki ŭžo brali ŭdzieł u prahramach «Kuchnia», «Estradnyj koktiejl», a taksama ŭ prajekcie «Viečiera v Mirskom zamkie». 26 žniŭnia jany iznoŭ iduć na Kamunistyčnuju, 6, kab zapisać dźvie pieśni dla «Estradnaha kaktejlu». «U nas byli na hety kont sumnievy i razvahi, — kaža lidar kamandy Jaŭhien Vałošyn. — Ale

my vyrašyli brać udzieł u prahramach biez palityčnaj podbiŭki».

Praŭda, adnojčy Jaŭhienu daviałosia trochi paškadavać pra takoje rašeńnie. Sprava tyčyłasia humarystyčnaj prahramy «Kuchnia». «Kankretna ŭ toj prahramie nikoha brudam nie palivali, ale potym daznaŭsia, što jaje viadučyja zajmajucca lizabludstvam dziela zarablańnia ačkoŭ, tamu było prykra».

Na «Estradnym kaktejli» Handmade, jak i ŭsie astatnija ŭdzielniki pieradačy, vymušany vystupać pad fanahramu. Dla muzykaŭ — heta žachlivaja niedarečnaść, ale jany iduć na heta dziela adnaho —

kab nieści biełaruskuju movu ŭ masy.

«Teleefiry ŭ nas nie prynosiać ani dyvidendaŭ, ani papularnaści, za ich nie płaciać hanararaŭ, ale hetyja kanały hladziać u vioskach i miastečkach. I niachaj jany pačujuć dobruju muzyku na biełaruskaj movie». A dośviedam, atrymanym u teleprajekcie «Viečary ŭ Mirskim zamku», Jaŭhien naahuł zadavoleny. «My vystupali tam žyŭcom razam z takimi hurtami, jak «Kryvi», etna-tryjo «Trojca», «Bieź bileta». Čaho narakać?». Što da prajavy salidarnaści z šeraham zabaronienych na dziaržTV biełaruskich muzykaŭ, to tut lidar Handmade maje takoje mierkavańnie: «Kaniečnie,

ja ŭchvalaju pazicyju tych ža «Lapisaŭ» i liču absalutna nieprymalnym zabaraniać ich. Ale treba mieć vahu i papularnaść, kab tuju salidarnaść prajavić».

Iduć aktyŭna na kantakt ź dziaržkanałami i muzyki z hurtu «Žniuv». U niadaŭnim interviju «Tuzinu» vakalist kamandy Aleh Rypienka zajaviŭ, što hurt adkryty dla ŭsich prapanovaŭ i jany, jak praviła, na ŭsie zaprašeńni adhukajucca. Ci toje «Basovišča», ci toje «Muzykalnyj sud» na ANT. Praŭda, na dziaržTV pačuvajecca «Žniuv» niajomka:

«Kali nas i zaprašajuć na dziaržaŭnaje telebačańnie i radyjo, to my siabie adčuvajem, jak voŭk u aviečaj škury abo, kali žadajecie, «piataj kałonaj», —

zaznačaje Aleh.

Daśviedčanyja rokiery bolš kateharyčnyja. Hurt «Krama», jakoha šanavali na dziaržTV va ŭsie časy, vyrašyŭ admovicca ad udziełu choć u jakich telešou. Ihara Varaškieviča možna było pabačyć u prajektach ANT i STV navat u časy isnavańnia čornaha śpisu 2003—2007 hh.: «Zaraz ja naohuł tudy nie chaču iści paśla padziejaŭ 19-ha. Kali da hetaha jašče supracoŭničali, to zaraz ja naŭrad ci zhadžusia na ŭdzieł u jakoj-niebudź prahramie», — zajaviŭ jon niadaŭna ŭ prahramie «Bieły śpis».

Ekspert «Tuzina Hitoŭ», kulturołah Maksim Žbankoŭ miarkuje, što