U Słonimie Hrodzienskaj vobłaści supracoŭniki miascovaha RAUS vyjavili i źniščyli cełaje pole dzikarosłych kanoplaŭ. Kala dvaccaci sotak narkatyčnaj raśliny rasło ŭ miežach... horada, niepadalok ad ažyŭlenaj trasy.
Dzialanku vyjaviła hrupa narkakantrolu i supracoŭniki KDB, jakija pryniali rašeńnie nieadkładna źniščyć raślinu.
Pry dapamozie traktara kanopli zrezali, pieramałoli admysłovaj technikaj, vyvieźli i zakapali. Usiaho było źniščana kala tony narkasyraviny.
Zaraz pravaachoŭnyja orhany buduć raźbiracca, ci vyrasła pustazielle samo, abo jaho chtości naŭmysna pasadziŭ. U lubym vypadku,
miarkujučy pa złamanych vierchavinach, a taksama prataptanych darožkach, vidavočna, što chtości vyjaviŭ "pole cudaŭ" raniej za milicyju.
Nahadajem, što dzikija kanopli taksama ličacca narkotykam. I za zachoŭvańnie kanabisa možna pazbavicca voli na termin ad 2 da 5 hadoŭ. A za zbyt i raspaŭsiudžvańnie - ad 5 da 13 hadoŭ.
0
0
0
0
0
0
