Za try z pałovaju hady park mikraaŭtobusaŭ, jakija pracujuć u stalicy na ekspresnych maršrutach, pamienšaŭ na čverć — z 1.020 da 770 mašyn. Jašče na pačatku hetaha hoda da pasłuhaŭ staličnych pasažyraŭ było 895 mikraaŭtobusaŭ.
Pra heta paviedamlaje načalnik adździeła konkursaŭ i dahavoraŭ DU «Staličny transpart i suviaź» Valer Sasinoŭski. Pavodle jahonych słovaŭ, u konkursach na prava vykanańnia aŭtamabilnych pieravozak pasažyraŭ udzielničaje ŭsio mienš pretendentaŭ. «Pieravozčykaŭ nie chapaje, tamu što na bolšaści kamiercyjnych maršrutaŭ praca stała nierentabielnaj. Aŭtamabili, paliva, zapčastki daražejuć našmat chutčej, čym padnimajucca taryfy na pieravozki. A treba jašče zarpłatu kiroŭcam płacić».
Na dumku arhanizataraŭ pasažyrskich pieravozak u stalicy,
źmianić situacyju mohuć pavieličeńnie taryfaŭ minimum u paŭtara razu, nadańnie pieravozčykam ilhotnych umovaŭ arendy aŭto i lhotnych kredytaŭ na ich pakupku.
«Adna z kankretnych prapanoŭ — dvuchrazovaje źnižeńnie mytnych płaciažoŭ pry ŭvozie aŭtamabila pieravozčykam. Pry adnoj istotnaj ŭmovie: nie mienš za try hady vykarystoŭvać ŭviezieny transpartny srodak dla pasažyrskich pieravozak, paśla čaho vypłacić u biudžet sumu padatkaŭ, jakaja b udvaja pieravyšała sumu zhublenych dziaržavaj mytnych płaciažoŭ. Heta daść mahčymaść kampiensavać straty dziaržavy ad źmianšeńnia mytnych płaciažoŭ i stvoryć pieradumovy da taho, kab pieravozčyk pakazvaŭ ŭsiu svaju vyručku», — miarkuje staličny pieravozčyk Jaŭhien Karabiejnik.
Kali nie rabić rašučych zachadaŭ pa padtrymcy transpartnaha siektaru naohuł i kamiercyjnych pieravozak u pryvatnaści, nie vyklučana, što nieŭzabavie mienčukam na mnohich nakirunkach pryjdziecca abychodzicca biez maršrutak.
«My vydatna razumiejem, što košt paliva jašče budzie raści — heta napramuju źviazana z rostam kursu zamiežnaj valuty. Tamu ŭvosień, kali pasažyrapatok musić pavialičycca, bo i pracaŭniki vychodziać z adpačynku, a studenty i školniki pačynajuć jeździć na vučobu, my pry siońniašnich umovach uvieś transpart nie zmožam vyvieści
