Škoda ad razhułu vodnaj stychii ŭ Vałožynie papiarednie aceńvajecca ŭ 510 miljonaŭ rubloŭ. Pra heta paviedamiŭ namieśnik staršyni Vałožynskaha rajvykankama pa budaŭnictvie Iosif Laškievič.
Jon adznačyŭ, što mastavym zbudavańniam, daroham, prajezdam naniesieny straty ŭ 325 miljonaŭ rubloŭ. Srodki na likvidacyju nastupstvaŭ zatapleńnia buduć vydzielenyja z abłasnoha i miascovaha biudžetaŭ.
Što da padvorkaŭ, to, pa papiarednich dadzienych, škoda składaje kala 142 miljonaŭ rubloŭ. Pryčym 72 chatnija haspadarki byli zastrachavany i atrymajuć dapamohu ad Biełdziaržstracha (pamier škody acenieny pakul u 47,5 miljonaŭ rubloŭ. Niezastrachavanym achviaram stychii płanujecca akazać materyjalnuju padtrymku ź biudžetnych srodkaŭ. Na praciahu 10 dzion śpisy pretendentaŭ na takuju dapamohu buduć dapracavany i pradstaŭleny ŭ abłvykankam.
