Matč BATE — «Šturm» źbiare kala 12 tysiač zaŭziataraŭ 4

Na pieršaj hulni płej-of futbolnaj Lihi čempijonaŭ na staličnym stadyjonie «Dynama» anšłahu nie budzie. Na ranicu 16 žniŭnia na matč BATE — «Šturm» było pradadziena 8 tysiač kvitkoŭ. Pra heta raspavioŭ namieśnik hienieralnaha dyrektara BATE Viktar Chadasievič:

«Zastałosia šmat kvitkoŭ. Pradadziena bolš za 8 tysiač. Kolki budzie — prahnazavać ciažka. Vielmi šmat kvitkoŭ nabyvajecca ŭ apošni dzień. Ciapier staić čarha z samaj ranicy. A kolki budzie ŭsiaho zaŭziataraŭ, pabačym na samoj hulni».

Administratar turystyčnaha ahienctva «ABFF-Putiešiestvije», jakoje taksama zajmajecca realizacyjaj kvitkoŭ na siońniašni matč, kaža, što jany pradali 5,5 tysiač kvitkoŭ sa zhadanych 8 tysiač. A ŭvohule na matčy čakajecca ad 10 da 12 tysiač balelščykaŭ.

A 11-j hadzinie ranicy ŭ aŭtorak la kasaŭ jašče stajali ludzi, niekatoryja kuplali adrazu pa 15–20 kvitkoŭ.

Nahadajem, matč pamiž barysaŭskim BATE i aŭstryjskim «Šturmam» pačniecca siońnia ŭ 21.45 na minskim stadyjonie «Dynama». Heta pieršaja sustreča supiernikaŭ — nastupnaja adbudziecca praz tydzień u Aŭstryi.

Dla taho, kab druhi raz za svaju historyju vyjści ŭ hrupavy etap Lihi čempijonaŭ, barysaŭčanam treba pieramahčy pa sumie dvuch matčaŭ.

0

0

0

0

0

0

Jeŭrapiejskaje radyjo dla Biełarusi

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH