U Biełarusi budzie stvorana sistema lhotnaha kredytavańnia maładych siemjaŭ, chvorych na biaspłodździe, dla praviadzieńnia štučnaha apładnieńnia (EKA). Pa inicyjatyvie deputataŭ takaja miera padtrymki praduhledžana ŭ Nacyjanalnaj prahramie demahrafičnaj biaśpieki na 2011–2015 hady.
Štomiesiac da EKA ŭ Biełarusi źviartajecca prykładna 200 žančyn, i štohod naradžajecca kala 700 dziaciej.Efiektyŭnaść EKA ŭ siarednim składaje 30–40%.
Suprać raźvićcia štučnaha apładnieńnia kateharyčna vystupaje katalickaja carkva. Kaścioł paraŭnovaje jaho z kłaniravańniem čałavieka. «Katalickaja carkva, padzialajučy zaniepakojenaść prablemaj biaspłodździa i zaachvočvajučy pošuk novych mietadaŭ jaje lačeńnia, u toj ža čas kateharyčna suprać vykarystańnia technałohij, jakija supiarečać chryścijanskamu paniaćciu honaru siamji, baćkoŭstva, dzicianaradžeńnia i čałaviečaha embryjona, a taksama značeńni čałaviečaj seksualnaści», — havaryłasia ŭ aficyjnaj zajavie»
Akcent zrobleny na tym, kab inicyjavać źjaŭleńnie ŭ siemjach druhoha i nastupnych dziaciej. Pa dadzienych sacyjałahičnaha apytańnia,
kožnaja treciaja maładaja para ŭ Biełarusi chacieła b mieć bolš dziaciej, ale pa niejkich matyvach na heta nie rašajecca.Tamu ŭ prahramie demahrafičnaj biaśpieki praduhledžanyja miery dla stymulavańnia naradžeńnia druhich, trecich i nastupnych dziaciej. Naprykład, pavyšeńnie pamieru dapamohi pa dahladzie za dziciom va ŭzroście da 3 hadoŭ. Pry naradžeńni pieršaha — da 35% siaredniaha zarobku ŭ krainie; pry naradžeńni druhoha i nastupnych — da 40%. Taksama
pavialičvajecca pamier dapamohi ŭ suviazi z naradžeńniem dziciaci: pry źjaŭleńni pieršaha — 10 biudžetaŭ pražytkovaha minimumuma (4,42 miljona rubloŭ), druhoha i nastupnych — 14 BPM (6,19 miljona rubloŭ).