Terminy zboru jahad žuravin i bruśnic vyznačany ŭ rehijonach Biełarusi.
U Bresckaj vobłaści bruśnicy možna ŭžo źbirać, a žuraviny — z 5 vieraśnia. U Hrodzienskaj vobłaści taksama dazvoleny zbor bruśnic, za žuravinami ŭ hetym rehijonie možna apraŭlacca 15 vieraśnia. U Mahiloŭskaj vobłaści zbor bruśnic dazvoleny z 19 žniŭnia, žuravin — z 2 vieraśnia, Viciebskaj — z 20 žniŭnia i 3 vieraśnia adpaviedna. Na Homielščynie za bruśnicami možna źbiracca z 25 žniŭnia, žuravinami — z 1 vieraśnia. U Minskaj vobłaści zbor bruśnic dazvoleny z 27 žniŭnia, žuravin — z 10 vieraśnia.
Terminy zboru dzikarosłych jahad ustanaŭlivajucca abłasnymi vykanaŭčymi kamitetami štohod.
Heta robicca dla racyjanalnaha vykarystańnia resursaŭ raślinnaha śvietu, niedapuščeńnia spustašeńnia i dehradacyi jahadnikaŭ, atrymańnia śpiełaj i jakasnaj pradukcyi lesu.
U adpaviednaści z praviłami narychtoŭki dreŭnych sokaŭ, zboru, narychtoŭki abo zakupki dzikarosłych raślin, zaćvierdžanych pastanovaj Minpryrody i Minlashasa, zabaraniajecca zbor bruśnic z kolkaściu niedaśpiełych jahad bolš jak 1 pracent ad sabranaj masy, a taksama žuravin z kolkaściu niedaśpiełych jahad bolš jak 5 pracentaŭ ad sabranaj masy.
Za parušeńnie pravił narychtoŭki, zboru abo zakupki dzikarosłych raślin, a taksama terminaŭ i mietadaŭ ich zboru Kodeksam Biełarusi ab administracyjnych pravaparušeńniach praduhledžana administracyjnaja adkaznaść.