Hienieralnaja prakuratura źviarnułasia da premjer-ministra z prapanovaju zrabić bolš žorstkim pakarańnie za karupcyju siarod čynoŭnikaŭ. Prapanoŭvajecca adrazu pryciahvać ich da dyscyplinarnaj adkaznaści.
U liście, padpisanym hienprakuroram Ryhoram Vasilevičam, adznačajecca, što bolš za ŭsio kradziažoŭ vyjaŭlena ŭ handli, a taksama ŭ śfierach dziaržaŭnaha kiravańnia, budaŭnictva, sielskaj haspadarki i pramysłovaści.Pry hetym najčaściej kradziažy ździajśnialisia słužbovymi asobami pradpryjemstvaŭ i arhanizacyjaŭ Ministerstva budaŭnictva i architektury dy Ministerstva transpartu.
«Hienieralnaja prakuratura ličyć, što ŭ ministerstvach vielmi słabaja ŭvaha nadajecca kantrolu haspadarčaj dziejnaści padnačalenych arhanizacyjaŭ. Heta pryvodzić da kradziažoŭ u asabliva bujnych pamierach. Jaskravy prykład – AAT «Homielmiasakambinat» – kryminalnaja sprava pačataja suprać 24 čałaviek, jakija zajmali kiroŭnyja pasady. Jany spryjali złačynstvu na ahulnuju sumu zvyš jak 50 tysiač dołaraŭ», – prakamientavali ŭ presavaj słužbie Hienprakuratury.
0
0
0
0
0
0
