Zatrymanych u centry Minska pravaabaroncaŭ vyzvalili Abnoŭlena. 6

Na Kastryčnickaj płoščy Minska zatrymana šeść pravaabaroncaŭ, jakija pravodzili akcyju salidarnaści z aryštavanym Alesiem Bialackim.

Fota radyjo «Svaboda».

Paśla składańnia pratakołaŭ, źniaćcia adbitkaŭ palcaŭ i fatahrafavańnia zatrymanych adpuścili, paviedamlaje radyjo «Svaboda».

***

Šeść aktyvistaŭ pryjšli na płošču prykładna a 14 hadzinie. Jany razdavali ŭlotki ŭ padtrymku Bialackaha. Razdača praciahvałasia prykładna 10 chvilin, paśla čaho ŭsie byli zatrymanyja supracoŭnikami DAI i milicyi.

Zatrymanyja dastaŭlenyja va UUS Centralnaha rajona Minska.

Zatrymanyja Aleh Mackievič, Viktoryja Ravinskaja, Dźmitryj Sałaŭjoŭ, Maryna Statkievič, Alena Łapcionak i Aleś Abramovič. Što im inkryminujuć, pakul nieviadoma.

Nahadajem, vice-prezident Mižnarodnaj fiederacyi pravoŭ čałavieka, kiraŭnik zakrytaha biełaruskimi ŭładami pravaabarončaha centra «Viasna» Aleś Bialacki byŭ zatrymany ŭ Minsku viečaram 4 žniŭnia. Jon abvinavačvajecca va ŭtojvańni dachodaŭ u asabliva bujnym pamiery. Bialackamu pahražaje siem hadoŭ pazbaŭleńnia voli. Pravaabaroncy i mižnarodnaja demakratyčnaja supolnaść pierakananyja, što Bialacki źviedvaje kryminalny pieraśled za svaju šmathadovuju pravaabarončuju dziejnaść.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH