Dziasiatka najlepšych abiacankaŭ ad kiraŭnictva dziaržavy za apošnija paŭhodu.
«U najbližejšy čas valutnaja situacyja stabilizujecca» — takaja mantra hučyć ad najvyšejšych čynoŭnikaŭ užo niekalki miesiacaŭ. Ale chto vieryć abiacankam-cacankam, kali ich kolkaść ŭžo pieravaliła za dziasiatak?
Chranałohija abiacankaŭ. Vybranaje
1. 25.08.2011
Alaksandr Łukašenka: «Paŭtara-dva miesiacy ŭ nas na stabilizacyju na valutnym rynku. Całkam. Kab nasielnictva nie prosta słuchała, vieryła ci nie vieryła, a pavieryła, što kurs, jaki vyznačany, budzie dziejničać i dalej, i situacyja budzie raźvivacca ŭ hetym kirunku, jaki budzie vyznačany prezidentam»
2. 01.08.2011
Prem'jer-ministr Michaił Miaśnikovič: «U Biełarusi ŭ druhoj pałavinie žniŭnia buduć pryniaty rašeńni pa valutnaj i ekanamičnaj palitycy ŭ 2011 hodzie».
3. 27.07.2011
Alaksandr Łukašenka: ««Dumaju, što ŭ bližejšy čas nam treba budzie kančatkova pryniać rašeńnie, bo infarmacyi siońnia dastatkova dla taho, kab adkryta skazać, što my budziem rabić, jakoje rašeńnie budziem prymać».
4. 08.07.2011
Prem'jer-ministr Michaił Miaśnikovič: «Vychad na raŭnavažki abmienny kurs biełaruskaha rubla va ŭsich siehmientach valutnaha rynka mahčymy ŭ bližejšy čas».
5. 06.07.2011.
Prem'jer-ministr Michaił Miaśnikovič: «U traŭni my spracavali ŭpieršyniu za mnohija hady z datatnym zamiežnahandlovym salda ŭ $120 młn. pa ŭsich vidach dziejnaści — pa tavarach i pasłuhach. Takim čynam, vyraŭnoŭvajecca apłatny handlovy bałans, i heta kaža ab tym, što, mahčyma, u samy bližejšy čas my zabiaśpiečym stabilizacyju na valutnym rynku krainy.
Prem'jer-ministr Michaił Miaśnikovič: Unifikacyja kursu nacyjanalnaj valuty budzie ažyćcioŭlenaja ŭ bližejšy čas. Heta budzie adbyvacca ŭ dva etapy. «Na pieršym etapie buduć pryniatyja rašeńni, kab źbić pavyšany popyt, a paśla atrymańnia stabilizacyjnaha kredytu kurs budzie farmavacca na padstavie popytu i prapanovy, što źnizić tyja [devalvacyjnyja] čakańni, jakija siońnia pakul jašče prysutničajuć»
8. 19.05.2011
Prem'jer-ministr Michaił Miaśnikovič: «U najbližejšy čas Biełaruś vyjdzie na realny kurs nacyjanalnaj valuty na asnovie realnaha popytu i prapanovy, ačyščanaj ad śpiekulatyŭnych devalvacyjnych čakańniaŭ».
Alaksandr Łukašenka: «Kali chtości dumaje, što ŭ hetaj situacyi my razhubilisia i nie viedajem, što rabić — hłupstva. Voś pahledzicie — my za pieršaje paŭhodździe zabudziemsia, što ŭ nas adbyvałasia i adbyvajecca ciapier, i finansy, i spažyviecki rynak».
11. 16.04.2011
Alaksandr Łukašenka: «Siońnia, zaŭtra, paślazaŭtra — vyraŭniajem situacyju. Ale vy na mianie nie kryŭdujcie. Vykaraskajemsia. Samaje składanaje my prajšli».