Aktyvist niezarehistravanaha «Maładoha frontu» Artur Fińkievič, jaki adbyvaje «chimiju» ŭ Mahilovie za palityčnyja hrafici, adčuvaje stały cisk z boku kiraŭnictva papraŭčaj ustanovy. Jon atrymaŭ dźvie zapar vymovy za spaźnieńnie ŭ internat. Sa słovaŭ palitviaźnia, načalnik papraŭčaj ustanovy padpałkoŭnik milicyi Alaksandar Łamaza i jahony namieśnik major Siarhiej Kuźkoŭ pahražajuć jamu vynieści jašče niekalki vymovaŭ i adpravić u kaloniju.
Cisnuć na Artura pačali napiaredadni Novaha hodu: pravodzilisia pieratrusy pamiaškańnia, kali chłopca nie było. Da ŭsiaho Artur amal nia maje volnaha času pa‑za internatam — na pracu adpuskajuć za 15 chvilinaŭ da pačatku pracy, i praz 15 chvilinaŭ paśla jaje zakančeńnia jon musić viartacca ŭ internat.
Nahadajem, što Artura Fińkieviča pakarali dvuma hadami abmiežavańnia voli za hrafici palityčnaha źmiestu. Ad 29 červienia adbyvaje pakarańnie ŭ papraŭčaj ustanovie Mahilova.
Na volu maje vyjści 9 śniežnia 2007 h.
