Supracoŭniki ADAI Frunzienskaha rajona Minska zatrymali na MKAD20-hadovaha pjanaha aŭtaŭhonščyka,
paviedamiła
Chłopiec z Puchavickaha rajona pryjechaŭ u hości da svaich siabroŭ. Paśla vialikaj dozy śpirtnoha pozna ŭviečary jon zachacieŭ adpravicca dadomu i pačaŭ łavić mašynu, kab dabracca spynam. Adnak kiroŭcy bačyli, što jon pjany, i padvozić nie chacieli. Tady chłopiec vyrašyŭ dajechać samastojna na čužym aŭtamabili. Špacyrujučy pa staličnym mikrarajonie Sucharava, jon sprabavaŭ uhnać šeść mašyn. Pry hetym u dvuch ź ich haspadary pakinuli dźviery adčynienymi, ale hetyja aŭtamabili nie atrymałasia zavieści. Siomaja sproba apynułasia ŭdałaj: u zamok zapalvańnia byŭ ustaŭleny abłomak kluča.
Adnak chłopiec nie ŭličyŭ, što adno ź piarednich kołaŭ było pryspuščana. Padčas pajezdki ź jaho vyjšła ŭsio pavietra. Uhonščyk byŭ vymušany spynicca na MKAD. Jon znoŭ pačaŭ hałasavać, adnak nichto nie chacieŭ brać pjanaha spadarožnika. Tady chłopiec zasnuŭ ŭ sahnanaj mašynie. Abudzili jaho supracoŭniki DAI.
U dačynieńni da maładoha čałavieka zaviedziena kryminalnaja sprava pa č.1 st.214 «Uhon transpartnaha srodku abo małamiernaha vodnaha sudna» KK Biełarusi, jakaja praduhledžvaje da piaci hadoŭ pazbaŭleńnia voli. Taksama vyśvietliłasia, što jon byŭ raniej sudzimy za kradziež i nieadnarazova traplaŭsia na drobnym chulihanstvie.
