Barcelona Dreamin': Staŭ viadomy paradak prodažu kvitkoŭ na matčy BATE u Lizie čempijonaŭ 16

Traplańnie BATE u hrupavy etap Lihi čempijonaŭ, dzie jany sustrenucca z «Barsiełonaj», «Miłanam» i češskaj «Viktoryjaj», čakana vyklikała vielizarnuju cikavaść hledačoŭ i prymusiła pa-novamu zirnuć na pytańnie raspaŭsiudu kvitkoŭ na chatnija matčy. U vyniku kiraŭnictva kłuba pryniało rašeńnie pravieści realizacyju kvitkoŭ u niekalki etapaŭ.

U sieradu, 7 vieraśnia, z 15.00 na Barysaŭskim haradskim stadyjonie pačniecca dvuchdzionny prodaž biletnych pakietaŭ (na try hulni) dla ŭładalnikaŭ abaniemientaŭ i členaŭ Kłuba zaŭziataraŭ FK BATE. Kasy buduć pracavać da 19.00 (u čaćvier — z 10.00 da 19.00, abied z 14.00 da 15.00).

A ŭ čaćvier, 8 vieraśnia, na Barysaŭskim haradskim stadyjonie i staličnym stadyjonie «Dynama» biletnyja pakiety pastupiać u ahulny prodaž. Čas pracy kasaŭ — z 10.00 da 19.00.

Uvazie ŭładalnikaŭ abaniemientaŭ i členaŭ Kłuba zaŭziataraŭ FK BATE: zaklikajem nabyvać biletnyja pakiety, bo asobnaha prodažu kvitkoŭ na matčy z «Miłanam» i «Viktoryjaj» dla vas ažyćciaŭlać nie płanujecca (heta značyć kvitki možna budzie kupić tolki na ahulnych padstavach).

Adnym dniom — piatnicaj, 9 vieraśnia — abmiežavany prodaž kvitkoŭ na matč BATE — «Barsiełona» dla ŭładalnikaŭ abaniemientaŭ i členaŭ Kłuba zaŭziataraŭ FK BATE. Kasy Barysaŭskaha haradskoha stadyjona buduć pracavać z 10.00 da 19.00 (abied z 14.00 da 15.00).

Adznačym, što tyja ŭładalniki abaniemientaŭ i členy Kłuba zaŭziataraŭ, chto nabudzie dva biletnyja pakiety, nie atrymajuć dadatkovaj mahčymaści kupić kvitki asobna na hulniu z «Barsiełonaj».

Mierkavana z suboty, 24 vieraśnia, pastupiać u adkryty prodaž tyja bilety, što zastalisia paśla realizacyi ŭ chodzie papiarednich etapaŭ kvitki na pajadynak BATE — «Barsiełona».

Kasy stadyjona «Dynama» i Barysaŭskaha haradskoha stadyjona buduć pracavać z 10.00 da 19.00 (u Barysavie abied — z 14.00 da 15.00).

Pa košcie kvitki padzielenyja na try katehoryi.

Na matčy z «Barsiełonaj» i «Miłanam»: 1-ja — 250 000 rubloŭ, 2-ja — 150 000, 3-ja — 70 000. Na sustreču z «Viktoryjaj» cana składaje adpaviedna 200000, 100 000 i 50 000 rubloŭ.

Košt biletnych pakietaŭ taki: 1-j katehoryi — 700 000 rubloŭ, 2-hi — 400 000, 3-j — 190000.

Abmiežavańnie pa prodažy na adnaho čałavieka — 2 kvitki (biletnyja pakiety).

U kasach minskaha stadyjona «Dynama» buduć pradavacca kvitki na nastupnyja siektary: 9, 12, 14, 15–28.

U kasach barysaŭskaha haradskoha stadyjona buduć vystaŭleny ŭ prodaž kvitki ŭ siektary 2, 3, 4, 6 (za vyklučeńniem miescaŭ, zareziervavanych dla Kłuba zaŭziataraŭ), 7, 8, 13.

Siektary 5 i 6 zareziervavanyja dla fanataŭ FK BATE, siektary 10–11 — dla zaŭziataraŭ «Barsiełony».

Praktyčna całkam siektary 1 i 29 zareziervavany dla UEFA i FK «Barsiełona».

fcbate.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH