Šanoŭny Pavieł Izotavič,
pračatŭšy vaš čarhovy ad 18 studzienia šedeŭr, sapraŭdy zadumaŭsia nad prablemaju biurakratyi.
Pryŭšoŭ da vysnovy, što nichto spryjaje hetak jaje rostu jak Vy, niehledziačy na najezdy na «papieriarovyja dušy» i biurakratyčny farmalizm.
Uvieś numar za 18 studzienia — tatalnaja oda biurakratyzmu.
Pačnu z zaklika biehčy ŭ padatkavyja ŭ arytkule Andreja Novikava «Praviła vyčitanija».
Novikaŭ adkrytym tekstam ciešycca z słoŭ niejkaha supracoŭnika padatkavaj, jaka bakłanić: «Po našim ocienkam, količiestvo diekłarantov nynčie uvieličitsia so 176 tysiač do połumilliona čiełoviek».
Poŭmiljony błankaŭ dekłaracyj, daviedak, kopij....
Treba bić trevohu, a nie davać trybunu dla hetkaj prapahandy!
Dalej – bolej: intervju ź pieršym apazicyjanieram krainy Hajdukievičam, jaki pryznačany vieści dyjaloh z Zachadam. Praŭda zachodnija dyplamaty čamuści ihnarujuć tutejšaha Žyrika navat niehledziačyna toje, što «jeho (Hajdukieviča) ironičnyje i mietkije kommientarii žurnalisty pomniat do sich por».
Vidavočna usiakija Mierkieli i Błery načysta pazbaŭlenyja pačucćcia humaru.
Adnak pytańnie ŭ tym, što niejkija raparty ab pradlennaj pracy Hajdukievič u Pałatku ŭsia roŭna piša?
Voś vam čarhovaja biazsensoŭnaja biurakratyčnaja struktura. A vy joj sp. Jakubovič asanu śpiavajecie.
I narešcie pra raźmieščannyja ŭ numary materyjały kruhłaha redakcyjnaha stała pra baraćbu ź biurakratami. Nazva — «Biez vołokity». .
Poŭny aŭrał!
Teza stału ab tym, što ŭ čynoŭnikaŭ sfarmiravałasia niejkaja etyčna‑maralnaja ustanoŭka, jakuju byccam možna pieramahčy normaj zakonu.
I pobač bahasłoŭski dysput, hałoŭnaja maral jakoha — materyjalizm suprać subjektyvizmu — ščania.
Lohka rekanstruktavać chod dumki biurakrata: kali ŭžo balšaviki sa svaim čyrovnym terroram, mazhi nie pierarabili, što zmoža Łukašenka?
Nia budu ŭžo kazać pra toje, što pad «stoł» była addadzienaja cełaja pałasa. A ŭ masštabie usiaho vydańnia hetkich pałosaŭ amal paŭmiljony. Kali kanviertavać hetuju papiarovuju massu ŭ narodnyja hrošy, atrymlimvajeccca prosta fantastyčnaje babło.
Adzinaje što, spadabałasia ŭ vašym numary — až dva artykuły pra skarby, jakimi bahataja biełaruskaja ziamla.
Ideju zrazumieŭ!
Vyklikać u ludziej intares da kapańnia, navučyć abychodzicca z rydloŭkami.
A to žudasna ŭjavić: zaŭtra znoŭ šantaž Maskvy, a jak zamlanki ryć nichto nie viedaje.
Tak trymać!
Vaš fanatyčny čytač
