Tureckaja palicyja zajaviła, što maładzion, jakoha zatrymali pa padazreńni u zabojstvie vybitnaha žurnalista armianskaha pachodžańnia Hranta Dzinka, pryznaŭ svaju vinu.
Padazravanaha vydaŭ baćka, jaki paznaŭ jaho pa fatahrafijach z kameraŭ znadvornaha nazirańnia. U źviazku z spravaj zatrymanyja jašče 12 čałaviek.
Hrant Dzink byŭ redaktaram hazety «Ahos», jakaja vychodzić na armianskaj i tureckaj movach, i ličyŭsia adnym z samych upłyvovych lideraŭ armianskaj dyjaspary ŭ Turcyi. Jon byŭ zastreleny ŭ piatnicu la ŭvachodu ŭ redakcyju. Jahonaje zabojstva skałanuła hramadzkaść Turcyi j vyklikała hnieŭ u armianskaj dyjaspary i ŭ samoj Armienii.Premjer‑ministar Turcyi Redžet Erdahan niekalki razoŭ vystupiŭ z asudžeńniem zabojstva.
Prezydent Armenii Robert Kačaran taksama asudziŭ zabojstva i vyraziŭ nadzieju, što arhanizatary j vykanaŭcy złačynstva buduć znojdzienyja i pryciahnutyja da adkaznaści. Śpikier armianskaha parlamentu vykazaŭsia bolš žorstka: jon skazaŭ, što Turcyi niama čaho i maryć pra siabroŭstva ŭ Eŭraźviazie.
Dzink śćviardžaŭ, što kanfrantacyja ŭ stasunkach miž Turcyjaj i Armenijaj tolki ŭskładniaje prablemu i nie spryjaje jejnamu vyrašeńniu.
Jon nia raz vykazvaŭ tryvohu za svajo žyćcio. U adnoj z apošnich hazetnych kalonak jon pisaŭ, što vymušany ŭvieś čas aziracca ŭ čakańni pahrozy, «torhajučy hałavoj va ŭsie baki, jak hołub».
Dzink padkreślivaŭ, što jon hramadzianin Turcyi i chacieŭ by bačyć svaju krainu bolš demakratyčnaj, adkrytaj i sučasnaj. Jon padtrymlivaŭ imknieńnie Turcyi stacca siabram Eŭraźviazu, bo mierkavaŭ, što pryniaćcio eŭrapiejskich standartaŭ dapamoža krainie acanić trahiedyju, pieražytuju armianami ŭ 1915 hodzie.
U samoj Turcyi žurnalisty i palityki hnieŭna asudzili zabojstva Hranta Dzinka, nazvali jaho palityčnym. U krainie prajšli akcyi pratestu
