U spartyŭnym asiarodździ nie pavinny kultyvavacca ŭtrymanskija padychody ŭ pytańniach finansavańnia spartyŭnych arhanizacyj, zajaviŭ siońnia na naradzie pa pytańni akazańnia padtrymki arhanizacyjam fizičnaj kultury i sportu Alaksandr Łukašenka.
«Žyć treba pa srodkach, a atrymlivać zarpłatu, premii i inšaje, zychodziačy z kankretna ŭkładzienaj pracy»,— padkreśliŭ jon.
Pry hetym Alaksandr Łukašenka adznačyŭ, što adny rezultaty nie roŭnyja ź inšymi. «Naprykład,
možna zajmać pieršaje miesca ŭ chakiejnym čempijanacie Biełarusi i, naprykład, u KCHŁ zajmać piataje miesca i nie być čempijonam, ale karyści dla krainy prynosić u druhim vypadku značna bolš,— rastłumačyŭ jon. — Što hrachi taić, naš čempijanat słaby ŭ hetych adnosinach, jak i mnohija inšyja pa hulniavych vidach sportu. I što tut paraŭnoŭvać čempijona krainy z kamandaj, jakaja vystupaje ŭ mižnarodnych spabornictvach».
«U nas niekatoryja, treniery i inšyja śpiecyjalisty, va ŭnutranych čempijanatach umudrylisia pa $20–25 tys. u miesiac atrymlivać i kryčać, što ŭ KCHŁ značna bolš.A ci zarabiŭ hety śpiecyjalist, trenier abo kiraŭnik kłuba takija hrošy, ci adpaviadaje zarpłata ŭkładzienaj pracy? Adkaz adnaznačny — nie, — padkreśliŭ Alaksandr Łukašenka. — Tamu z hetym utrymanstvam treba zakančvać».
Jak adznačyŭ kiraŭnik dziaržavy, jašče ŭ mai na naradzie ab dziaržaŭnaj padtrymcy sportu było vyrašana, što nieabchodna pierahledzieć miechanizmy finansavańnia spartyŭnych arhanizacyj i ŭmovy apłaty pracy ich kiraŭnikoŭ, trenieraŭ i spartsmienaŭ. «Tady ŭradu było dadziena kankretnaje daručeńnie — vypracavać novuju aptymalnuju formułu jak pa farmiravańniu biudžetaŭ kłubaŭ, tak i pa ŭzroŭniu apłaty pracy, — adznačyŭ jon. — Za minuły čas prapanoŭvałasia niekalki varyjantaŭ źmianieńnia isnujučaj praktyki dziaržpadtrymki hulniavych vidaŭ sportu. Adnak jany nie byli pryniaty, bo nie ŭ poŭnaj miery ŭličvali sučasnuju situacyju i niedastatkova stymulavali arhanizacyi na zdabyvańnie finansavych srodkaŭ svaimi siłami, a nie za košt dziaržbiudžetu».
Pavodle słoŭ Łukašenka, praktyčna niaźmiennym zastavałasia stanovišča, kali 70% dachodaŭ kłubaŭ, jak i papiarednija hady, farmirujecca ź biudžetnych krynic i sponsarskaj dapamohi pradpryjemstvaŭ realnaha siektara ekanomiki. U toj ža čas u raschodnaj častcy lvinuju dolu, abo amal 60 pracentaŭ pa vynikach 2010 hoda, składaje zarabotnaja płata kiraŭnikoŭ, trenieraŭ i spartsmienaŭ niezaležna ad vynikaŭ ich dziejnaści. «Liču, što takija ŭtrymanskija padychody nie pavinny kultyvavacca ŭ spartyŭnym asiarodździ. Patrabavańni vynikovaścii raboty i žyćcia pa srodkach abaviazkovyja dla ŭsich!» — padkreśliŭ kiraŭnik dziaržavy.
Na naradzie ŭvazie Łukašenki pradstaŭleny prajekty narmatyŭnych aktaŭ ab akazańni padtrymki arhanizacyjam fizičnaj kultury i sportu, u tym liku prajekt adpaviednaha ŭkaza. «Pierš čym havaryć ab struktury prapanoŭ, sistemie, davajcie damovimsia ab kryteryjach, — skazaŭ Alaksandr Łukašenka, źviartajučysia da ŭdzielnikaŭ narady. — Asnoŭny kryteryj — układzienaja praca, adsiul adpaviednaja zarpłata i płata ź biudžetu, druhi — rezultaty, treci — skaračeńnie finansavańnia ź biudžetu».
«Što heta za kłuby, prytym pryvatnyja abo źmiešanyja, nakštałt akcyjaniernych tavarystvaŭ, jakija finansujucca ź biudžetu? Kłuby pavinny sami zarablać hrošy na svaju dziejnaść.Pry hetym asabliva treba ŭličvać vyniki, pakazanyja na vyšejšych spartyŭnych forumach: Alimpijskija hulni, čempijanaty śvietu i Jeŭropy».
Adnak, pavodle słoŭ kiraŭnika dziaržavy, skaračeńnie finansavańnia ź biudžetu zusim nie aznačaje, što ŭ dziaržavy niama hrošaj na raźvićcio sportu i ŭ tym liku na apłatu vysokich spartyŭnych dasiahnieńniaŭ. «Na toje, kab zapłacić za dobryja pakazčyki i rezultaty, u krainie hrošy zaŭsiody byli i buduć, ale treba dakładna razumieć, što jość niejki ŭzrovień, jaki treba dasiahnuć čałavieku, kab atrymać niejkuju padtrymku».
«Usio pavinna, jak vy lubicie havaryć, być rynačna. Jość rabota, rezultat — jość płata, — padkreśliŭ Alaksandr Łukašenka. — Kryteryj pavinien być asnoŭny, jaki budzie padšturchoŭvać kłuby zarablać hrošy. Zarabiŭ Br1 młrd. — my tabie na hety miljard dadadzim Br100 młn. ź biudžetu, Br2 młrd. — Br200 ci Br300 młn.». Kiraŭnik dziaržavy taksama papiaredziŭ ab niedapuščalnaści nacisku na sponsaraŭ u pytańniach akazańnia finansavaj padtrymki spartyŭnym arhanizacyjam:
«Sponsaraŭ nie nachilać bolš.Dabračynnaja dapamoha pavinna być dabračynnaj, i Prezident nie pavinien ukazvać, kamu kolki i jakija pradpryjemstvy buduć kłubu davać hrošy. Niachaj iduć sami, z ulikam
«Hrošy treba zarablać, niama šalonych bolš hrošaj. Ja havaru heta i viaskoŭcam, i pramysłoŭcam, i inšym. Nie tamu, što ŭ nas niama hrošaj, hrošaj u krainie chapaje, ale hrošy treba zarablać. Heta asnoŭny kryteryj. Tady ŭ nas nie budzie ni paniki, ni kataklizmaŭ, ni kryzisaŭ, ni aŭrału», — reziumavaŭ Alaksandr Łukašenka.
