Na «Dažynkach» buduć bajkiery i lalki na chadulach 3

U čas fiestyvalu budzie pravodzicca teatralizavanaja rekłama fiestyvalnych mierapryjemstvaŭ pa vulicach Maładziečna. Pa hałoŭnaj vulicy buduć jeździć prahułačnyja dekaravanyja ekipažy (kalosy, trochkołyja viełasipiedy), jakija pakatajuć haściej śviata.

Manitor, ustalavany na Centralnaj płoščy, stanie «Vieśnikam «Dažynak». Praź jaho zrobiać telemost pamiž rehijonami Biełarusi.

Adbudziecca akcyja «Svajoj siamjoj upryhožym śviata», u miežach jakoj siamiejnyja pary z upryhožanymi kałaskami, snapami dziciačymi kalaskami vitajuć haściej i zaprašajuć ich na śviata. Projdzie abrad «Abliviny» − vuličny dažynkavy rytuał ačyščeńnia vadoj.

Prezientacyja kancertnych prahram amatarskich kalektyvaŭ Minščyny «Pieśnia i praca hatovy spatkacca» na vaśmi sceničnych placoŭkach horada.

Placoŭka № 1 «Karavajnaja» (Centralnaja płošča)

Vystavačnaja zała sfarmiravanaja z ulikam piakarskaj skulptury, karavajaŭ vobłaści, dehustacyi kandytarskich vyrabaŭ, chlebnaha sada (drevy, dekaravanyja mučnymi vyrabami), vystavy-prodažy kandytarskich vyrabaŭ. Mini-chlebapiakarnia.

Placoŭka № 2 «Čajna-miadovaja» (kala kinateatra)

Kancertnaja prahrama «Harbata z vodaram miadku sklikaje tałaku». Tematyčnyja mini-prahramy: «Cudadziejny abrusik», «Ź pieśniaj i čajem my nie sumujem», «Čaj pić − zdarovym być», konkursnaja šou-prahrama «Čajnyja pryhažuni».

Placoŭka № 3 «Babuliny krosny − uzor dzivosny» (nasuprać restarana «Jeŭropa»).

Falkłornaja kancertnaja prahrama. Vystavy daŭniejšych ručnikoŭ «Rukami tkanaja ściažynka» i tradycyjnaha stroju Minščyny.

Placoŭka № 4 «Hančarny śviet» (kala biblijateki «Vierasok»)

Kancertnaja prahrama «Źziaje sonca na zbanku». Majstar-kłasy pa pracy na hančarnym kruzie. Konkurs «Chto macniej śviśnie».

Placoŭka № 5 «Viasiołka dziacinstva» (Park kultury i adpačynku imia Pieramohi)

Kancertna-teatralizavanaje kazačnaje dziejstva z udziełam rostavych lalek i lalek na chadulach, parad piersanažaŭ u maskach. Šou mylnych puzyroŭ. Majstar kłasy pa sierviroŭcy stała dla maleńkich haspadyń, lepcy z hliny, pieraadoleńnie «dažynačnaha łabiryntu».

Placoŭka № 6 «Biełaruski aharod smačna kormić kruhły hod» (kala Pałaca kultury)

Vystupleńnie ansamblaŭ narodnaj muzyki, harmanistaŭ, teatraŭ hulni. Vystava vyrabaŭ z sałomy, sałamianych kapielušoŭ.

Placoŭka № 7 «Moładzievaja tusoŭka» (Vialiki Haściniec, 58)

«Moładzievy chit-parad», respublikanski etap konkursu «Uładar siała», majstar-kłas pa hrafici «sielskija piejzažy». Moładzievaja dyskateka.

Placoŭka № 8 (kala dziciačaha centra kultury «Rastok»)

Fiestyval alternatyŭnaj moładzievaj kultury. Terytoryja padzielenaja na try zony. «Bajkier-kłas» z vystavaj sučasnych matacykłaŭ, «Ba-rok», dzie vystupiać rok-hurty i adbudziecca vystava muzyčnych instrumientaŭ, majsternia «Kaptur ad kuciur», dzie pracujuć majstry-vizažysty nad stvareńniem vobrazaŭ «Karaleva «Dažynak», demanstracyja adzieńnia z pryrodnych materyjałaŭ.

Park kultury i adpačynku imia Pieramohi «Ramiesnaja słabada Minščyny».

Vystava-prodaž «Skarbaŭ rossyp załaty», dzie buduć pradstaŭlenyja raboty narodnych majstroŭ dekaratyŭna-prykładnoha majsterstva z 22 rajonaŭ vobłaści ŭ vyhladzie biełaruskich padvorkaŭ, vyraby vychavancaŭ ustanoŭ adukacyi i kultury Minščyny, stravy nacyjanalnaj kuchni amatarskich abjadnańniaŭ, respublikanskaja fotavystava hierojaŭ žniva 2011 hoda.

0

0

0

0

0

0

Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH