U Biełarusi taryfnaja staŭka pieršaha razradu z 1 kastryčnika pavyšana z 118 tys. da 151 tys. rubloŭ, paviedamiła ministr pracy i sacyjalnaj abarony Marjana Ščotkina.
«Kiraŭnikom dziaržavy było daručana ŭradu razhledzieć i prapracavać z ulikam mahčymaściaŭ biudžetu pytańnie ab pavyšeńni taryfnaj staŭki pieršaha razradu dla apłaty pracy rabotnikaŭ biudžetnaj śfiery da kanca hetaha hoda, — adznačyła ministr. — U metach vykanańnia hetaha daručeńnia ŭrad pryniaŭ pastanovu ad 1 kastryčnika 2011 №1310, jakoj z 1 kastryčnika taryfnaja staŭka pieršaha razradu pavyšana z 118 tys. da 151 tys. rubloŭ — na 28%».
Akramia taho, uličvajučy situacyju, hetaj ža pastanovaj z 1 listapada hetaha hoda dla apłaty pracy rabotnikaŭ biudžetnaj śfiery ŭviedzienyja štomiesiačnyja dyfierencyravanyja dapłaty ŭ dyjapazonie 240–16 tys. rubloŭ. Kankretnyja pamiery nazvanych dapłat pa taryfnych razradach (z
