Pa fakcie napadu na aŭtamabil namieśnika staršyni Biełaruskaj partyi levych «Spraviadlivy śviet» Valeryja Uchnalova raspačata kryminalnaja sprava «ab kradziažy ŭ asabliva bujnych pamierach».
Ab zaviadzieńni kryminalnaj spravy palityk daviedaŭsia 3 kastryčnika ŭ Vałožynskim RAUS. Raniej Uchnaloŭ ličyŭ, što kryminalnaja sprava budzie raspačata na padstavie artykuła «Razboj».
3 kastryčnika ŭ Vałožynskim RAUS Valeryj Uchnaloŭ zabraŭ svoj aŭtamabil i atrymaŭ daviedku dla svajoj dački Antaniny, jakoj nieabchodna adnavić ukradzienyja dakumienty.
Pavodle słoŭ Uchnalova, ničoha novaha ab rasśledavańni kryminalnaj spravy jon nie daviedaŭsia. U RAUS jamu paviedamili, što ciapier pravodzicca adpaviednaja ekśpiertyza.
Jak raniej paviedamlałasia, na aŭtadarozie Ašmiany — Minsk 1 kastryčnika ŭ 1.30 byŭ učynieny napad na aŭtamabil Uchnalova, u jakim taksama znachodziłasia jaho dačka Antanina i člen arhkamiteta pa stvareńni «Biełaruskaha ruchu» Vacłaŭ Areška. Mašynu spyniŭ čałaviek u formie supracoŭnika DAI, jon paprasiŭ pradjavić dakumienty i vyjści. Zatym padjechali jašče dźvie mašyny, adkul vyskačyli ludzi biez apaznavalnych znakaŭ u maskach, pakłali Uchnalova na ziamlu, źviazali jaho, advałakli ad mašyny mietraŭ na 15 i kinuli ŭ kusty. Usich abšukali, zabrali sumki, barsietki, mabilnyja telefony, dva naŭtbuki, klučy ad kvatery i mašyny, hrošy.
U Valeryja Uchnalova była ŭkradziena bujnaja suma hrošaj, jakuju jon vioz u Litvu, kab kupić leki dla svajoj chvoraj na ankałahičnaje zachvorvańnie žonki. Miedykamienty kupić nie ŭdałosia, hrošy zastalisia na rukach, i jon vioz ich nazad.
Lidar partyi «Spraviadlivy śviet» Siarhiej Kalakin 3 kastryčnika na
Sam Uchnaloŭ źviazvaje napad sa «svajoj prafiesijnaj dziejnaściu palityka».
