Bolš za 7,5 młn litraŭ piva vypili hości najbujniejšaha ŭ śviecie fiestyvalu piva i narodnaha śviata Aktoberfest u Miunchienie, paviedamlajuć «Biełaruskija naviny» sa spasyłkaj na RIA «Naviny».
Za 17 dzion fiestyval naviedali 6,9 młn čałaviek — bolš, čym letaś. Rekord 1985 hoda, adnak, arhanizataram śviata pabić pakul nie ŭdałosia — u toj hod Aktoberfest naviedali 7,1 młn čałaviek.
Naviedniki źjeli 118 bykoŭ i tysiačy kuryc.Nie abyjšłosia i biez tradycyjnych vykradańniaŭ fiestyvalnych kuflaŭ — u hetym hodzie skrali 226 000 litrovych jomistaściaŭ, u minułym — 130 000. Bojek, bieź jakich nie abychodzicca nivodzin Aktoberfest, zafiksavana na čatyry mienš, čym letaś — usiaho 58.
Strašna ŭjavić, kolki mahło b być bojek, kab na taki fest abjadałaŭki i pjanstva sabrałasia 7 młn «narodžanych u SSSR».
Bjucca na fiestyvali, pieravažna, tymi samymi piŭnymi kuflami, jakija stanoviacca abjektami kradziažoŭ. Usiaho palicyi pryjšłosia reahavać na vykliki na terytoryi fiestyvalu bolš za dźvie tysiačy razoŭ.
Ałkaholnaje atručvańnie atrymali 777 čałaviek.
A ŭsio tak dobra pačynałasia.
0
0
0
0
0
0
