Ukraina budzie rajem dla ekanamičnych machinataraŭ?

Padtrymany Viarchoŭnaj Radaj Ukrainyzakonaprajekt skasoŭvaje kryminalnuju adkaznaść za kantrabandu tavaraŭ, uchileńnie ad viartańnia prybytku ŭ zamiežnaj valucie, niezakonnaje adkryćcio abo vykarystańnie valutnych rachunkaŭ za miežami Ukrainy i inšyja złačynstvy.

Va Ukrainie źbirajucca dekryminalizavać ekanamičnyja i haspadarčyja złačynstvy. Adpaviedny zakonaprajekt «Ab uniasieńni źmianieńniaŭ u niekatoryja zakanadaŭčyja akty (adnosna humanizacyi adkaznaści za pravaparušeńni ŭ śfiery haspadarčaj dziejnaści)» u jakaści nieadkładnaha byŭ uniesieny na razhlad u parłamient prezidentam Ukrainy i padtrymany Viarchoŭnaj Radaj u pieršym čytańni. Pra heta BiełTA paviedamili ŭ pres-słužbie ŭkrainskaha parłamienta.

Prajektam zakona, u pryvatnaści, prapanujecca za ŭčynieńnie złačynstvaŭ u haspadarčaj śfiery zamiest pakarańnia ŭ vyhladzie pazbaŭleńnia voli ŭvieści štraf. U toj ža čas štraf moža być zamienieny sudom na inšaje pakarańnie tolki ŭ vypadku jaho niavypłaty ŭ termin, ustalavany sudovym rašeńniem. Hetaja madel prapanujecca i ŭ tych vypadkach, kali subjektam złačynstva źjaŭlajecca jurydyčnaja słužbovaja asoba pryvatnaha prava.

Zakonaprajekt skasoŭvaje kryminalnuju adkaznaść za tyja dziejańni ŭ haspadarčaj śfiery, jakija na siońniašni dzień stracili prykmiety pavyšanaj hramadskaj niebiaśpieki,

dastatkovaj dla pieraśledu ich u kryminalnym paradku. Havorka idzie pra takija złačynstvy, jak kantrabanda tavaraŭ, uchileńnie ad viartańnia vyručki ŭ zamiežnaj valucie, niezakonnaje adkryćcio abo vykarystańnie valutnych rachunkaŭ za miežami Ukrainy, parušeńnie praviłaŭ zdačy kaštoŭnych mietałaŭ i kaštoŭnych kamianioŭ, padrobka znakaŭ paštovaj apłaty i prajaznych biletaŭ, fiktyŭnaje bankructva i inš Za hetyja pravaparušeńni prapanujecca ŭstalavać administracyjnuju adkaznaść u vyhladzie nakładańnia štrafaŭ. Taksama prapanujecca ŭstalavać, što ŭziaćcie pad vartu nie moža być vykarystanaje ŭ dačynieńni da raniej nie sudzimaj asoby, jakaja padazrajecca abo abvinavačvajecca va ŭčynieńni złačynstva.

U toj ža čas normy zakonaprajekta pakul nie datyčać artykuła kryminalna-pracesualnaha kodeksa Ukrainy, pa jakim sudziać eks-premjera Juliju Cimašenka i byłoha kiraŭnika MUS Juryja Łucenku.

Jak čakajecca, kančatkovy prysud pa kryminalnaj spravie ŭ dačynieńni da lidara BIUT, jakoj inkryminujecca pieravyšeńnie słužbovych paŭnamoctvaŭ padčas zaklučeńni hazavaha kantrakta z rasijskim «Hazpromam», sud vyniesie paśla 11 kastryčnika.

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH