Choład da kanca nastupnaha tydnia 1

U Biełarusi z 8 kastryčnika ŭstanovicca chałodnaje nadvorje ź siaredniasutačnaj tempieraturaj na 2–4 hradusy nižej za klimatyčnuju normu.

Vialiki i hłyboki cykłon, były ŭrahan «Afielija», vyjšaŭ na Skandynaŭski paŭvostraŭ. Chałodny atmaśfierny front hetaha cykłonu napiaredadni prajšoŭ liŭnievymi daždžami na Brytanskich astravach i Skandynavii. Siońnia front padyšoŭ da našych paŭnočna-zachodnich hranic. U bližejšyja sutki jon aktyvizujecca i pačnie zalivać daždžami niekatoryja rajony Biełarusi. U pryvatnaści, nočču pa Bresckaj vobłaści, a ranicaj i dniom pa Minskaj i Viciebskaj abłaściach čakajucca mocnyja liŭni. Udzień miescami pa paŭdniovym uschodzie respubliki prahrymiać navalnicy. Viecier pieramiennych napramkaŭ, ad 5 da 10 mietraŭ za siekundu. U dzionny čas paryvy ŭzmocniacca da 14 mietraŭ za siekundu. Tempieratura pavietra na praciahu sutak składzie plu 6–13 hradusaŭ ciapła, udzień pa paŭdniovym uschodzie pavietra prahrejecca da 14–19 hradusaŭ.

Pavodle prahnozaŭ, 9 kastryčnika frantalnyja raździeły pakinuć terytoryju respubliki, i paŭsiudna ŭstanovicca chałodnaje nadvorje. Tempieratura pavietra ŭ načny čas składzie plus 1–7 hradusaŭ, a na tarfianikach Paleśsia čakajucca zamarazki da nula — 3 hradusaŭ. Udzień prahnazujecca 7–13 hradusaŭ ciapła.

Asabliva chałodnaj čakajecca noč na paniadziełak.

Ścichnie viecier, źmienšycca kolkaść vobłačnaści. Na bolšaj častcy terytoryi krainy na hlebie i miescami ŭ pavietry minimalnaja tempieratura prahnazujecca na ŭzroŭni nul — minus 4 hradusy. Udzień pa-raniejšamu budzie 7–13 hradusaŭ ciapła.

Pavodle acenki śpiecyjalistaŭ Respublikanskaha hidramieteacentra, chałodnaje nadvorje ŭ Biełarusi zachavajecca da kanca nastupnaha tydnia.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH