U najbližejšyja sutki ŭ Biełarusi čakajecca rezkaje paharšeńnie ŭmoŭ nadvorja

Zhodna z prahnozam Respublikanskaha hidramieteacentra, u najbližejšyja sutki ŭ Biełarusi čakajecca rezkaje paharšeńnie ŭmoŭ nadvorja. 8 kastryčnika na bolšaj častcy terytoryi daždžy, nočču pa Bresckaj vobłaści,

a ranicaj i dniom pa Minskaj i Viciebskaj abłaściach mocnyja daždžy.

Dniom miescami pa paŭdniovym uschodzie krainy navalnicy. Viecier pieramiennych napramkaŭ 5–10 m/s, u dzionnyja hadziny paryvy da 14 m/s. Tempieratura pavietra na praciahu sutak +6–13°S, dniom pa paŭdniovym uschodzie +14–19°S.

U Minsku ŭ subotu, 8 kastryčnika, doždž, ranicaj i dniom časam mocny doždž. Viecier pieramiennych napramkaŭ 5–10 m/s, dniom paryvy da 12 m/s. Tempieratura pavietra nočču +6–8°S,

dniom +8–10°S.

U nastupnyja dvoje sutak, 9–10 kastryčnika, pa krainie vobłačna z prajaśnieńniami. 9 kastryčnika miescami karotkačasovyja daždžy. Viecier paŭdniova-zachodni, zachodni 4–9 m/s. Tempieratura pavietra nočču +1–7°S, na tarfianikach Paleśsia zamarazki da 0 — minus 3°S; tempieratura dniom +7–13°S.

10 kastryčnika nočču pieravažna biez apadkaŭ, dniom u zachodnich i centralnych rajonach krainy karotkačasovyja daždžy. Viecier nočču słaby, dniom zachodni 4–9 m/s, paryvy da 14 m/s. Tempieratura pavietra nočču +1–6°S, na bolšaj častcy terytoryi na hlebie i miescami ŭ pavietry zamarazki da 0 — minus 4°S; dniom +7–14°S.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH