+16: ES płanuje pašyryć sankcyi ŭ dačynieńni da biełaruskich uładaŭ 2

U pryvatnaści, śpis nieŭjaznych, paviedamiła 7 kastryčnika polskaje infarmahienctva RAR.

Sa spasyłkaj na dypłamatyčnyja krynicy ahienctva paviedamlaje, što kančatkovaje rašeńnie ab uniasieńni ŭ śpis nieŭjaznych

jašče 16-ci biełaruskich čynoŭnikaŭ moža być pryniata 10 kastryčnika na pasiadžeńni ministraŭ zamiežnych spraŭ krain ES u Luksiemburhu.

Pry hetym RAR udakładniaje: heta rašeńnie jašče abmiarkoŭvajecca i moža być vyniesiena «paźniej, da kanca kastryčnika».

Nahadajem, sankcyi ŭ dačynieńni da biełaruskich uładaŭ Rada ES uviała ŭ studzieni 2011 hoda ŭ adkaz na žorstki razhon demanstracyi paśla prezidenckich vybaraŭ 19 śniežnia 2010 hoda ŭ Minsku. Zaraz u śpisie čynoŭnikaŭ, jakim zabaronieny ŭjezd na terytoryju ES, — 188 proźviščaŭ. U kancy maja ES pašyryŭ śpis: da 175 proźviščaŭ dadałosia jašče 13 — heta proźviščy sudździaŭ i prakuroraŭ, jakija ŭdzielničali ŭ pracesach nad fihurantami spravy ab masavych biesparadkach 19 śniežnia.

21 vieraśnia MZS Litvy inicyjavaŭ ŭklučeńnie 18-ci biełaruskich čynoŭnikaŭ u śpis asobaŭ, jakim zabaronieny ŭjezd u Litvu i zaklikała inšyja krainy Jeŭrasajuza ŭklučyć ich u svaje nacyjanalnyja śpisy nieŭjaznych.

Chto mienavita uklučany ŭ novy śpis ES, nie paviedamlajecca.

Maryna Rachlej, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH