Indeks spažyvieckich cen na tavary i pasłuhi ŭ vieraśni 2011 adnosna śniežnia 2010 hoda ŭzros na 74,5%, paviedamili ŭpres-słužbie Nacyjanalnaha statystyčnaha kamiteta. Adnosna žniŭnia ceny ŭzraśli na 13,6%, vieraśnia 2010 hoda — na 79,6%.
Ceny na charčovyja tavary ŭ vieraśni 2011 hoda ŭ paraŭnańni sa žniŭniem 2011 hoda ŭzraśli na 18,6%, u paraŭnańni sa śniežniem 2010 hoda — na 84,2%.
Bolš za ŭsio ŭ vieraśni padaraželi: jajki — na 31,2%, tytuniovyja vyraby — na 30,8%, miasa i ptuška — na 26,5%, aharodnina — na 25,5%, ałkaholnyja napoi — na 24,9%, kaŭbasnyja vyraby i vendžanina — na 22,5%, ryba i morapradukty — na 17,6%,kansiervy rybnyja — na 11,6%, małako i małočnyja pradukty — na 15,8%, syry — na 13%, masła śmietankovaje — na 20,3%, cukar — na 19,9%.
Alej padaražeŭ na 12,3%, chleb i chlebabułačnyja vyraby — na 10,1%, muka pšaničnaja — na 13,4%, kandytarskija vyraby — na 11,9%, harbata — na 8,2%, sadavina — na 13,7%, makaronnyja vyraby — na 3,7%, krupy — na 5,4%.
Ceny na bulbu źnizilisia na 11,3%.
Indeks cen na niecharčovyja tavary ŭ vieraśni 2011 hoda ŭ paraŭnańni sa žniŭniem 2011 hoda ŭzros na 10,5%, sa śniežniem 2010 hoda — na 86,4%. U vieraśni ŭ paraŭnańni sa žniŭniem padaraželi: bytavyja elektraprybory — na 14,9%, miedykamienty — na 14,8%, mebla — na 14,7%, šviejnyja vyraby — na 13,9%, abutak — na 12,8%, posud — na 13,2%,
Rost cen i taryfaŭ na płatnyja pasłuhi nasielnictvu ŭ vieraśni ŭ paraŭnańni sa žniŭniem skłaŭ 5%, sa śniežniem 2010 hoda — 33,8%. Najbolš padaraželi pasłuhi haradskoha pasažyrskaha transpartu — na 6,3%, pavietranaha — na 50,3%, pryharadnaha aŭtamabilnaha — na 5%, mižharodniaha aŭtamabilnaha — na 4,1%. Uzraśli ceny na pasłuhi vyšejšaj adukacyi — na 16,5%, miedycynskija — na 6,5%, teatraŭ — na 10,8%, kancertnych załaŭ i
Nie źmianilisia ceny na elektra- i hazazabieśpiačeńnie, pasłuhi ŭnutryrespublikanskich i pryharadnych čyhunačnych znosinaŭ.
Na 11,9% źnizilisia ceny na pasłuhi čyhunačnych mižnarodnych znosinaŭ.