Znos aciaplalnaha abstalavańnia ŭ Biełarusi składaje 62% 3

Stupień fizičnaha znosu aciaplalnaha abstalavańnia ŭ Biełarusi składaje 62%. Pra heta paviedamiŭ na pres-kanfierencyi 11 kastryčnika ŭ Minsku namieśnik načalnika departamienta pa nahladzie za viadzieńniem rabot u pramysłovaści MNS Michaił Słabodčykaŭ.

Pavodle jaho słoŭ, taki pracent abstalavańnia adpracavaŭ narmatyŭny i raźlikovy termin słužby. U tym liku paravyja vadahrejnyja katły adpracavali narmatyŭny termin słužby na 62%, paravyja katły ź ciskam 0,07–3,9 MPa — na 65%, paravyja katły ź ciskam 3,9–8 MPa — na 70%, enierhietyčnyja katły — na 48%.

«U najaŭnaj situacyi aktualnaje praviadzieńnie techničnaha pieraŭzbrajeńnia i madernizacyja kacielniaŭ i elektrastancyj, u tym liku ŭ sistemie žyllova-kamunalnaj haspadarki. Takaja praca pravodziłasia i pravodzicca, ale niedastatkovymi tempami», — adznačyŭ Słabodčykaŭ.

Pavodle jaho infarmacyi, u Biełarusi ciepłavoj enierhijaj spažyŭcoŭ zabiaśpiečvajuć 10.154 pramysłovyja i aciaplalnyja kacielni i elektrastancyi. Tam ustanoŭlena bolš za 21 tys. paravych i vadahrejnych katłoŭ. Napiaredadni aciaplalnaha siezona ŭsie jany abśledavany, abstalavańnie atrymała techničny ahlad. «U cełym stupień hatoŭnaści da pracy ŭ vosieńska-zimovy pieryjad ciepłaenierhietyčnaha kompleksu krainy vyšejšaja za letašniuju», — kanstatavaŭ Słabodčykaŭ.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH