Braty-aŭtysty pišuć dysiertacyju, ździŭlajučy prafiesaraŭ 5

Dva bratc-autysty, jakija pastupili na fiłasofski fakultet Univiersiteta Patsdama, prymušajuć adnakurśnikaŭ i vykładčykaŭ dzivicca svajmu hłybokamu fiłasofskaha śvietapohladu, piša hazieta Die Zeit.

Braty-autysty Karnelijus i Kanstancin z adznakaj skončyli škołu i biez prablem pastupili va Univiersitet Patsdama na fakultet historyi i fiłasofii. Pry hetym

jany majuć znosiny ź ludźmi tolki piśmova i žestami, havorać vielmi mała i amal nikoli nie hladziać ludziam prosta ŭ vočy. Usie adkazy na pytańni jany nabirajuć na kamputary i pakazvajuć u drukavanym vyhladzie.

U domie bratoŭ na ścianie ŭ ramačcy visić cytata ź vierša Karnelijusa: «List — heta dumka, pryviedzienaja ŭ dziejańnie».

Na piśmie braty

ihnarujuć niekatoryja praviły niamieckaj arfahrafii, vykarystoŭvajuć składanyja kanstrukcyi i słovy ź minułych stahodździaŭ. U čas vučoby ŭ VNU takim ža sposabam jany zdavali ŭsie ekzamieny na praciahu šaści hadoŭ.

Jak piša hazieta, vykładčyki z razumieńniem pastavilisia da asablivaściaŭ ŭ znosinach z dvajniatami; braty mohuć biespakarana pierad zaniatkam lehčy na padłohu i zasnuć ci vybiehčy z aŭdytoryi i surjozna spaźnicca na sieminar.

Zaraz dvajniaty Kanstancin i Karnelijus

pišuć mahistarskuju dysiertacyju ab paniaćci času ŭ sučasnaj fiłasofii i dziviać hłybinioj dumki adnakurśnikaŭ i vykładčykaŭ.

Prafiesar tearetyčnaj fiłasofii Hans-Joachim Pieče raspaviadaje, jak dvajniaty ŭpieršyniu pryjšli da jaho na sieminar u 2005 hodzie. Na zaniatkach dvajniaty spačatku moŭčki siadzieli, a potym lehli na padłohu i prykinułasia, što śpiać. Paśla hetaha jany ŭstali i vyjšli z pakoja. Na nastupnym zaniatku Pieče z škadavańniem skazaŭ ab niekalkich studentach, što prapuścili minuły sieminar. Paśla hetaha dvajniaty

dasłali jamu pa elektronnaj pošcie list z vybačeńniami, a taksama prykłali vierš na niekalki staronak, dzie abmiarkoŭvalisia pytańni, uźniatyja na sieminary.

Pa słovach Pieče, braty zmohuć i dalej zajmacca navukovaj pracaj, raspracoŭvajučy teoryju prastorava-časavaha kantynuumu.

Die Zeit

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH