Pra heta havorycca ŭ liście z Vyšejšaha haspadarčaha sudu, atrymanym siońnia, 29 studzienia. «Sprava źjaŭlajecca sacyjalna značnaj, patrabuje dadatkovych materyjałaŭ dla raźbiralnictva, tamu razhlad spravy adkładvajecca na taki čas», — adznačajecca ŭ dakumencie.
U carkvie nie čakali pieranosu spravy na kaniec lutaha. Pieranos spravy na bolš praciahły čas praŭnik carkvy Siarhiej Łukanin kamentuje tym, što sud, mahčyma, sutyknuŭsia z pytańniami, jakija nia ŭstanie vyrašyć samastojna. Chutčej za ŭsio, pytańnie carkvy ciapier vyznačajecca ŭ Administracyi prezydenta, miarkuje S. Łukanin. «Carkva pradstaviła na razhlad usie nieabchodnyja dakumenty i spasyłki na zakanadaŭstva, kab davieści nieabhruntavanaść dziejańniaŭ Mienharvykankamu, tamu my nia bačym inšych pryčynaŭ dla adciahvańnia času» – adznačyŭ jon.
Nahadajem, što padčas apošniaha sudovaha pasiedžańnia sudździa Karatkievič kazała pra praciah spravy ŭ bližejšy čas.
