Alaksandr Łukašenka zrabiŭ siońnia šerah kadravych pryznačeńniaŭ. Jon, u pryvatnaści, pryznačyŭ Alaksandra Barsukova načalnikam hałoŭnaha ŭpraŭleńnia ŭnutranych spraŭ Minskaha harvykankama.
Miesca načalnika minskaj milicyi było vakantnym ad 27 červienia 2011 h., kali byŭ zvolnieny Leanid Farmahiej.
Z 4 lutaha 2011 hoda Barsukoŭ zajmaŭ pasadu načalnika departamienta vykanańnia pakarańniaŭ (DVP) MUS Biełarusi. Da hetaha jon byŭ pieršym namieśnikam načalnika hałoŭnaha ŭpraŭleńnia achovy hramadskaha paradku i prafiłaktyki - načalnika ŭpraŭleńnia pravaparadku MUS Biełarusi.
Tahačasnyja načalnik upraŭleńnia achovy pravaparadku MUS Alaksandr Barsukoŭ i staršynia Partyi BNF Vincuk Viačorka topčuć padpalenyja partrety Łukašenki, Dzień Voli, Minsk, 25 sakavika 2009 h., photo.bymedia.net
***
Taksama Łukašenka siońnia daŭ zhodu na pryznačeńnie Siarhieja Pisaryka staršyniom AAT "SB Biełarusbank".
Staršyniom Jelskaha rajvykankama budzie Leanid Pisanik, Chojnickaha -- Alaksandr Citok, Kryčaŭski rajon uznačalić Vasil Sysojeŭ.
