Pavodle papiarednich źviestak, pryčynaj krušeńnia viertalota biełaruskaj pahransłužby pablizu miažy Biełarusi i Litvy była techničnaja niaspraŭnaść. Pra heta ŭ efiry Pieršaha kanała paviedamiŭ staršynia Dziaržpahrankamiteta Ihar Račkoŭski.
Pavodle jaho słoŭ, na miesca avaryi z Francyi 22 kastryčnik prybyli pradstaŭniki kampanii «Jeŭrakoptar», jakaja vyrablaje viertaloty hetaj madeli, i firmy «Turbamieka», jakaja pastaviła ruchaviki dla viertalota Ecureuil AS 355 NP.
U toj ža dzień adbyłasia apieratyŭnaja narada z udziełam dziaržkamisii, Biełaruskaj vajennaj prakuratury i francuzskich ekśpiertaŭ.
«Chaciełasia b skazać niekalki słoŭ, kab raźviejać asobnyja zdahadki», — adznačyŭ Račkoŭski. Jon rastłumačyŭ, što jak na biełaruskim, tak i na litoŭskim baku byli śviedki, jakija bačyli niepasredna sam momant krušeńnia.
«Viertalot išoŭ uzdoŭž linii miažy i pačaŭ krucicca vakoł svajoj vosi suprać hadzińnikavaj strełki: chutčej, chutčej i chutčej… Paśla hetaha ŭpaŭ. Papiarednie śpiecyjalisty usie kažuć, što tut najbolš vierahodnaj pryčynaj moža być strata šlachavaha kiravańnia, heta značyć techničnyja niaspraŭnaści ŭ šlachavym kiravańni… Heta toje, što ŭžo najbolš paćvierdžana», — skazaŭ Račkoŭski.
«Jeŭrakoptar» orhanaŭ pahransłužby Biełarusi sa zdymačnaj hrupaj TRA «Sajuz» na borcie raźbiŭsia 20 kastryčnika kala 15.45 u rajonie vioski Vilejty Pastaŭskaha rajona Viciebskaj vobłaści prykładna za kiłamietr ad
