U Biełarusi źjaviłasia mahčymaść nabyć strachoŭku praź Internet 4

Pieršy internet-servis dla nabyćcia strachovak anłajn zapuščany ŭ Biełarusi. Prezientacyju novaha prajektu praviali siońnia jaho stvaralniki — Biełaruskaje fizkulturna-spartyŭnaje tavarystva «Dynama» sumiesna z BRUSP «Biełdziaržstrach» i AAT «AAB Biełarusbank».

Jak rastłumačyŭ staršynia centralnaha savieta BFST «Dynama» Juryj Barodzič, nabyć polisy biełaruskich strachavych kampanij u režymie anłajn možna na sajcie Policy.by.

Skarystacca hetaj pasłuhaj možna ŭ luby čas sutak, apłaciŭšy strachoŭku kartkaj VISA abo MasterCard.

Polis budzie dastaŭleny zakazčyku kurjerskaj słužbaj biaspłatna na praciahu 3 hadzin i pakul tolki ŭ miežach Minska.

Takoje abmiežavańnie źviazana ź nieabchodnaściu najaŭnaści podpisu klijenta na strachavym polisie, jaki zhodna z zakanadaŭstvam źjaŭlajecca błankam strohaj spravazdačnaści.

Pakul možna nabyć tolki troch vidy polisaŭ: abaviazkovaha strachavańnia hramadzianskaj adkaznaści ŭładalnikaŭ transpartu («aŭtahramadzianka»), aŭtaKASKA i strachavańnie zdaroŭja na čas padarožžaŭ za miežy Biełarusi.

U najbližejšy čas, pavodle słovaŭ stvaralnikaŭ servisu, linija strachavych praduktaŭ, prapanavanych na sajcie,

budzie pašyrana da 30 pazicyj:

možna budzie nabyć «zialonuju kartu», usie vidy strachavańnia majomaści i nieruchomaści, zdaroŭja.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH