«Heta absurdnaja zajava, jakaja nie maje ničoha ahulnaha z sapraŭdnaściu. Biełaruskich vajennych u Livii niama i nikoli nie było. Advarotnyja zajavy niedarečnyja. Biełaruski bok užo davaŭ acenku takoha rodu dezinfarmacyi», — zajaviŭ BiełaPAN
Sa spasyłkaj na krynicu ŭ Pierachodnym nacyjanalnym saviecie Livii sajt charter97.org paviedamiŭ, što kala troch dziasiatkaŭ biełaruskich vajennych zatrymany ŭ roznych častkach Livii padčas bajavych dziejańniaŭ. Pad vartaj znachodzicca prykładna 20 čałaviek, kala 10 było zabita padčas zachopu. «Z tymi biełarusami, chto zastaŭsia ŭ žyvych, pracujuć śledčyja, jakija sprabujuć vyśvietlić, jakim čynam biełaruskija vajennyja trapili ŭ Liviju i čym jany zajmalisia ŭ achoplenaj paŭstańniem krainie», — havorycca ŭ paviedamleńni. Pavodle infarmacyi krynicy, bolšaść zatrymanych źjaŭlajucca snajpierami.
Aficyjny Minsk raniej nieadnarazova abviarhaŭ infarmacyju ab prysutnaści ŭ Livii biełaruskich vajennych śpiecyjalistaŭ. Adnak niezaležnyja ekśpierty nie vyklučajuć, što najmity ź Biełarusi, u tym liku byłyja vajennyja śpiecyjalisty, mohuć znachodzicca ŭ Livii ŭ pryvatnym paradku.
