1 listapada ŭ Viarchoŭny sud nad mierkavanymi terarystami byŭ dastaŭleny ŭ jakaści śviedki Alaksandr Špakaŭ, jaki kantaktavaŭ z hałoŭnym abvinavačanym Dźmitryjem Kanavałavym prykładna ŭ 2005–2006 hadach. Ciapier jon adbyvaje pakarańnie ŭ mahiloŭskaj kałonii.
Špakaŭ skazaŭ, što nie mienš čym 20 razoŭ byvaŭ u padvałach, jakimi karystaŭsia Kanavałaŭ u svaim domie na vulicy Repina ŭ Viciebsku. Adzin padvał adnosiŭsia da kvatery, u jakoj žyŭ Kanavałaŭ, a druhi jon zaniaŭ samavolna. Pavodle słoŭ Špakava, u padvałach jon bačyŭ chimičnaje łabaratornaje abstalavańnie — kołbački, prychvat dla kołbačak. Pavodle słoŭ Kanavałava, toj prynios ich sa škoły. Bačyŭ Špakaŭ taksama kanistru, choć mašyny ŭ Kanavałava nie było, a taksama damkrat. Śledstva ličyć, što Kanavałaŭ vykarystoŭvaŭ damkrat pry vyrabie vybuchovych rečyvaŭ.
Špakaŭ taksama paviedamiŭ, što Kanavałaŭ pakazvaŭ jamu šklanuju butelku z vadkaściu, jakaja była zatknuta anučaj, i skazaŭ, što heta «kaktejl Mołatava». Špakaŭ raskazaŭ i pra technałohiju pryhatavańnia hetaj zapalnaj sumiesi.
Paśla pryzyvu ŭ armiju ŭ 2006 hodzie Špakaŭ z Kanavałavym bolš nie sustrakalisia.
