Rasijskija kampanii dajuć bolš za ŭsich chabaru padčas pracy za miažoj.Pra heta śviedčać dadzienyja rejtynhu Bribe Payers Index, padrychtavanaha mižnarodnaj arhanizacyjaj Transparency International.
Padčas daśledavańnia byli razhledžanyja 28 najbujniejšych ekanomik śvietu. Krainy z najmienšym uzroŭniem chabarnictva ekspartnych kampanij mahli atrymać da 10 bałaŭ. Rasija atrymała samuju nizkuju adznaku siarod usich udzielnikaŭ rejtynhu — 6,1 bała — i zaniała apošniaje miesca. Na pieradapošnim miescy raźmiaściŭsia Kitaj (6,5 bała).
Pieršaje i druhoje miesca ŭ rejtynhu padzialili kampanii ź Niderłandaŭ i Šviejcaryi — jany atrymali pa 8,8 bała. Za imi iduć Bielhija (8,7 bała), Hiermanija i Japonija (pa 8,6 bała). ZŠA zaniali
Aŭtary Bribe Payers Index taksama razhledzieli ŭzrovień chabarnictva ŭ roznych siektarach ekanomiki. Najmienš schilnymi da karupcyi akazalisia sielskaja haspadarka i lohkaja pramysłovaść — na ich rachunku pa 7,1 bała. Najhoršyja adznaki atrymali budaŭnictva ŭ śfiery hramadskaha karystańnia (5,3 bała), kamunalnyja pasłuhi i praca ź nieruchomaściu (pa 6,1 bała).
Na dumku dyrektara rasijskaha adździaleńnia Transparency International Aleny Panfiłavaj, nizki rejtynh Rasii tłumačycca tym, što tut adbyłasia «stabilizacyja karupcyi». Pad hetym majecca na ŭvazie, u pryvatnaści, toje, što zakony suprać karupcyi, navat kali jany prymajucca, nie pracujuć.
Papiaredni rejtynh chabarnictva siarod mižnarodnych kampanij byŭ składzieny ŭ 2008 hodzie. Tady Rasija taksama zaniała ŭ im apošniaje miesca, atrymaŭšy ad aŭtaraŭ Bribe Payers Index 5,9 bała.
