Namiescnicu staršyni zarehistravanaha ŭ Čechii «Maładoha Fronta» Nastu Pałažnku siońnia biez udkaładnieńnia pryčyn vyklikali ŭ milicyju.
-Mianie ŭ čarhovy raz papiaredzili pra toje, što ja nie maju prava vyjazdžać za miežy krainy.- paviedamiła Pałažanka «NN». — Ja studentka Jeŭrapiejskaha humanitarnaha ŭniviersiteta, i na siesii mušu jeździć za miažu. Kali mnie vynosili prysud, sudździa ŭdakładniła, što prava na vyjezd ja maju. Načalnik Pieršamajskaha RUUSa siońnia prademanstravaŭ mnie ŭkaz, pavodle jakoha ludzi, asudžanyja na ŭmoŭny termin i tyja, kamu prysudžany papraŭčyja pracy, nie majuć prava vyjezdu z krainy na ŭvieś termin pakarańnia. Heta ŭžo nie pieršy vypadak, kali ŭkaz apynajecca vyšejšym za zakon. My budziem raźbiracca, a pakul mianie papiaredzili, kab ja nie ździŭlałasia, kali mianie zdymuć ź ciahnika. Da hetaha ŭ mianie čarhovy raz uziali adbitki palcaŭ — my ź siabrami žartujem, što z takoj kolkaściu źniatych adbitkaŭ užo možna trapić u knihu rekordaŭ Hinesa.
