Jo-mabili, mahčyma, pačnuć rabić u Biełarusi praz hod 3

Dahavor z rasijskim bokam ab stvareńni ŭ Biełarusi vytvorčaści jo-mabilaŭ moža być padpisany ŭ kancy 2012 hoda. Pra heta na pres-kanfierencyi 8 listapada paviedamiŭ staršynia Dziaržaŭnaha kamiteta pa navucy i technałohijach Biełarusi (DKNT) Ihar Vojtaŭ.

Jon paviedamiŭ, što ciapier iduć pieramovy z raspracoŭščykam hetaha rasijskaha aŭtamabila, i vykazaŭ mierkavańnie, što «vytvorčaść novych aŭtamabilaŭ u Biełarusi chutka źjavicca». «U nas jość peŭnaja prapanova Rasijskaj Fiederacyi — u kancy 2012 hoda vyjści na padpisańnie adpaviednych dahavoraŭ, — skazaŭ Vojtaŭ. — Aŭtamabil niadrenny, ideja zakładziena dobraja, aŭtamabil maje svoj rynak, čamu my nie pavinny być na heta zhodnyja?»

Bolš na hety čas nijakich damoŭlenaściaŭ pamiž bakami nie isnuje. Staršynia DKNT padkreśliŭ, što Biełaruś budzie «razhladać kankretnyja prapanovy», kali budzie stvorany «pratatyp hetaj techniki i poŭny vytvorčy cykł pad Sankt-Pieciarburham».

Jo-mabil — heta prajektavany rasijski paśladoŭny hibrydny aŭtamabil (dla pryvadu viadučych kołaŭ vykarystoŭvaje raznastajnuju enierhiju) kampanii «Jo-aŭta». U kanstrukcyi aŭtamabila płanujecca vykarystoŭvać elektryčnuju tranśmisiju z kambinavanym siłkavańniem ad akumulatara i hienieratara, jaki varočajecca hazabienzinavym ruchavikom unutranaha zharańnia. Zajaŭleny vytvorcam košt aŭtamabila ŭ zaležnaści ad kamplektacyi budzie vahacca ad 350 da 500 tysiač rasijskich rubloŭ.

0

0

0

0

0

0

Zachar Ščarbakoŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH