Ministerstva ekanomiki čakaje dalejšuju devalvacyju biełaruskaha rubla (da ŭzroŭniu 22.000 rubloŭ za dołar) u vypadku zachavańnia vysokich ab`iomaŭ emisijnaha kredytavańnia ekanomiki. Pra heta zajaviŭ namieśnik ministra ekanomiki Alaksandr Jarašenka, vystupajučy 8 listapada na pasiadžeńni Savieta ministraŭ.
Pavodle jaho słoŭ, zapyty realnaha siektara ekanomiki ŭ resursach na nastupny hod vielmi vysokija. «Kab prafinansavać usie zajaŭki, spatrebicca emisija ŭ pamiery 30 trłn. rubloŭ», — skazaŭ Jarašenka.
Jon padkreśliŭ, što realizacyja iniercyjnaha scenaryja, zasnavanaha na vysokich ab`iomach emisii, pryviadzie da dalejšaj devalvacyi rubla i rostu cen.
«Kurs moža pajści za 20 tys. rubloŭ za dołar», — rastłumačyŭ Jarašenka. U prezientacyi namieśnika ministra była ŭkazana ličba 22 tys. rubloŭ za dołar jak vynik vysokaha emisijnaha finansavańnia ekanomiki.
Z metaj niedapuščeńnia dalejšaj devalvacyi biełaruskaha rubla ministerstva prapanuje ŭ razy skaracić emisijnaje finansavańnie dziaržprahram.
Minekanomiki prapanoŭvaje ŭstanavić finansavańnie dziaržprahram na 2012 hod u pamiery 12 trłn. rubloŭ. Pry hetym, jak rastłumačyŭ Jarašenka, 7 trłn. rubloŭ z ukazanaj sumy buduć emisijnymi, jašče 5 trłn. rubloŭ płanujecca pryciahnuć za košt viartańnia raniej vydadzienych kredytaŭ.
Pavodle acenak Minekanomiki, 12 trłn. rubloŭ buduć ekvivalentnyja 2,4% VUP. Miž tym u 2010 hodzie ab`iom finansavańnia dziaržprahram skłaŭ 8,4% VUP, u
Adnak pry bazavym makraprahnozie abmienny kurs rubla na kaniec 2012 hoda składzie 9 700 za $1.Dadzieny prahnoz kursu zasnavany na viery, što emisijnaje kredytavańnie dziaržprahram u nastupnym hodzie składzie 7 trłn rubloŭ, pryrost VUP - 1,5%, inflacyja nie pieravysić 19%,
a pryrost realnych dachodaŭ nasielnictva składzie nie bolš 0,5%.
U jakaści alternatyvy Minekanomiki prapanuje varyjant, jaki zabiaśpiečvaje biaśpiečny ŭzrovień inflacyi, heta značyć, pa acency viedamstva, nie bolš za 12%.
Pry hetym ułady pavinny admovicca ad emisijnaha kredytavańnia, ale VUP, u suviazi z hetym, źnizicca na 5%, a realnyja dachody nasielnictva - na 4%. Abmienny kurs na kaniec 2012 h. pry takim scenary składzie 9 300 za $1.
U vypadku, kali inflacyja ŭ 2012 hodzie składzie 25%, abmienny kurs da kanca 2012 h. skłałasia na ŭzroŭni 11 200. za $1, śviedčać raźliki Minekanomiki, dadaje Interfaks.