Rasija stanie siabram SHA paśla vybaraŭ, u siaredzinie 2012 hoda,zajaviŭ kiraŭnik rasijskaj delehacyi Maksim Miadviedkaŭ. U čaćvier rabočaja hrupa ŭchvaliła pratakoł ab dałučeńni Rasii. Płataj za ŭstupleńnie stanie źnižeńnie impartnych mytaŭ, skaračeńnie ŭdvaja padtrymki sielskaj haspadarki i libieralizacyja ŭnutranych cenaŭ na haz.
Kab stać siabram SHA, Rasija pahadziłasia źnizić impartnyja myty na bolšaść tavaraŭ, heta budzie adbyvacca paetapna na praciahu vaśmi hadoŭ. Tak, z momantu dałučeńnia da SHA myty na novyja lehkavyja aŭtamabili źniziacca ź ciapierašnich 30% da 25%, a zatym pastupova na praciahu siami hadoŭ — da 15%, adznačyŭ Miadviedkaŭ.
Usiaho z momantu dałučeńnia budzie źnižana bolš za tracinu impartnych taryfaŭ,havorycca na sajcie SHA. Jašče čverć — praz try hady paśla ŭstupleńnia. Samy doŭhi pierachodny pieryjad praduhledžany dla miasa chatniaj ptuški — 8 hadoŭ, dla viertalotaŭ i hramadzianskich samalotaŭ — 7 hadoŭ.
U cełym Rasija abaviazvajecca pa vynikach pierachodnaha pieryjadu źnizić siarednieŭzvažanuju staŭku impartnych taryfaŭ z 10% u 2011 hodzie da 7,8% da 1 lipienia 2018. Na pramysłovyja tavary myty buduć źnižanyja ŭ siarednim z 9,5% da 7,3%, na sielskahaspadarčyja tavary — z 13,2% da 10,8%. Staŭka taryfu na małočnyja pradukty źnizicca z 19,8% da 14,9%, na zbožžavyja kultury — z 15,1% da 10%, na alejnyja kultury, tłuščy i masła — z 9% da 7,1%, na chimičnyja pradukty — z 6,5% da 5,2%, na elektraabstalavańnie — z 8,4% da 6,2%, na draŭninu i papieru — z 13,4% da 8%, na cukar — z $243 za tonu da $223. Myty na bavoŭnu i na pradukty infarmacyjnych technałohij buduć skaročanyja ź ciapierašnich 5,4% da nula.
Taryfnyja kvoty na ŭvoz miasa zachavajucca, ale myty
Da 2018 hoda Rasija abaviazvajecca ŭdvaja skaracić subsidyi sielskaj haspadarcy — z $9 młrd u 2012 hodzie da $4,4 młrd, pry hetym pradpryjemstvy APK nie buduć atrymlivać ekspartnych subsidyj. Dla asobnych katehoryj praduktaŭ buduć admienienyja i lhoty pa PDV.
Taksama Rasija pahadziłasia na abmiežavańnie ekspartnych pošlin na bolš čym 700 tavaraŭ: jany zakranuć pradukcyi rybnaj pramysłovaści, harbarnaj haliny, a taksama minieralnych palivaŭ i alejaŭ, draŭniny, celułozy i kalarovych mietałaŭ.
Źmieny zakranuć i rynak pasłuh.Zamiežnyja strachavyja kampanii zmohuć adkryvać svaje filijały praź dzieviać hadoŭ paśla dałučeńnia Rasii da SHA. A taryfy na čyhunačnyja pieravozki tranzitnych tavaraŭ da 1 lipienia 2013 pavinnyja stać takimi ž, jak dla ŭnutranych pieravozak.
Staŭšy siabram SHA, Rasija dapamoža dałučycca da arhanizacyi i svaim susiedziam pa Mytnym sajuzie — Kazachstanu i Biełarusi.
«Pakolki padčas našaha pieramoŭnaha pracesu my całkam praanalizavali ŭsiu zakanadaŭčuju bazu Mytnaha sajuza na pradmiet jaje adpaviednaści normam SHA, to Kazachstanu i Biełarusi hetaha rabić budzie nie treba, i heta istotna paskoryć praces ich dałučeńnia da SHA», — skazaŭ Miadviedkaŭ. Całkam realna, što Kazachstan u nastupnym hodzie taksama dałučycca da SHA, dadaŭ jon.
