Miaziak i Syryca 11 listapada rašeńniem suda Baranavickaha rajona i h. Baranavič byli pakaranyja na 25 bazavych vieličyniaŭ pa p.23.34 č.2 KaAP RB «Parušeńnie paradku arhanizacyi praviadzieńnia masavaha mierapryjemstva ci pikietavańnia» za praviadzieńnie miascovaha schodu 8 kastryčnika ŭ Baranavičach.
Abodva aktyvisty nie pryznali siabie vinavatymi, patłumačyŭšy, što prysutničali na schodzie, na jaki nie treba atrymlivać dazvoł u vykankamie i jaki pravodziŭsia zhodna z zakonam «Ab respublikanskich i miascovych schodach».
Na pasiedžańni ŭ jakaści śviedak byli zaprošany juryst i ideołah baranavickaha harvykankama, a taksama pradstaŭnik baranavickaha HAUS. Na ich dumku, praviedzienaje mierapryjemstva treba ličyć mitynham, bo miascovyja schody pavinny pravodzicca ŭ dvarach tych damoŭ, dzie źbiralisia podpisy. Ale pradstaŭniki ŭłady taksama dakładna nie zdoleli patłumačyć sudu, čym adroźnivajecca schod ad masavaha mierapryjemstva.
«Ja nie čakaŭ, što sud prymie stanoŭčaje rašeńnie, — patłumačyŭ paśla suda „IR“ Viktar Syryca. — Inakš daviałosia b admianiać štrafy i tym piaci čałaviekam, jakich raniej pakarali za miascovy schod».
