12.11.2011
/ 16:54 / Ałharytmičny łacinski varyjant
Lehiendarnaja «Słavija» viarnułasia ŭ vyšejšuju lihu
Dvuchrazovy čempijon Biełarusi vyjhraŭ pieršynstvo pieršaj lihi.
Mazyrskaja «Słavija» viarnułasia ŭ vyšejšuju lihu futbolnaha čempijanatu krainy.
U matčy 29-ha tura pieršynstva pieršaj lihi «Słavija» na svaim poli ŭ subotu vyjhrała ŭ hrodzienskaha «Biełkarda» — 2:0. Minski «Partyzan» vyjhraŭ u haściach u «Baranavičaŭ» 3:0, i ŭ apošnim tury moža dahnać Mazyr, ale za košt asabistych sustrečaŭ «Słavija» ŭsie roŭna zojmie pieršaje miesca.
«Partyzan» u śniežni prymie ŭdzieł u stykavych matčach z 11-j kamandaj vyšejšaj lihi.
Paśla 29 turaŭ: Słavija — 68, Partyzan — 65, Skvič — 53, Haradzieja — 52.
***
«Słavija» (tady MPKC) ŭ 1996 h. spyniła hiehiemoniju minskaha «Dynama» ŭ futbolnym čempijanacie, zavajavaŭšy załatyja miedali. U 2000 h. užo «Słavija» druhi raz vyjhrała čempijanat krainy.
Kłub taksama dvojčy zavajoŭvaŭ srebra (1995, 1999) i dvojčy stanaviŭsia ŭładalnikam Kubka krainy (1996 i 2000).
U 2005 h. «Słavija» vylecieła z vyšejšaj lihi.
nn.by
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
