«Porna» i erotyka na Kubku Paleśsia — videa 32

Zbornaja Biełarusi paciarpieła ŭsie try parazy na VI chakiejnym Kubku Paleśsia, što prajšoŭ z 10 pa 12 listapada ŭ Homieli.

U zaklučnym matčy ajčynnyja chakieisty, jakich treniruje Kary Chiejkila, paciarpieli parazu ad Danii 2:8 (1:4, 1:3, 0:1).

Nahadajem, što ŭ pieršym matčy biełarusy byli bityja słaviencami 0:6, a ŭčora prajhrali zbornaj Rasija-2 — 1:4.

Darečy, zbornaja Rasii-2 pad kiraŭnictvam treniera «Viciazia» Andreja Nazarava vyjhrała turnir,

Rasija-2 — 9, Danija — 6, Słavienija — 3, Biełaruś — 0.

Da hetaha ajčynnyja hulcy čatyry razy brali Kubak Paleśsia. Letaś turnir vyjhrała Danija.

Sioleta biełaruskaja zbornaja, na čale jakoj staŭ finski śpiecyjalist Kary Chiejkila, była składzienaja ŭ absalutnaj bolšaści z hulcoŭ Adkrytaha čempijanatu Biełarusi. Turnir, vidać, zaśviedčyŭ uzrovień nacyjanalnaha pieršynstva i prorvu pamiž im i minskim «Dynama» ŭ KCHŁ.

Arhanizacyja turniru taksama vyklikała pytańni.

Voś u niečuju śvietłuju hałavu pryšła dumka vypuścić u pierapynku matču Biełaruś -- Rasija-2 napaŭaholenuju dziaŭčynu pierad dziećmi i tančyć eratyčny taniec «Žeść».

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH