Tolki za kastryčnik doŭh
Naprykład, z pačatku listapada
Bieraściejski ladovy pałac vyrašyli pieravieści pad biudžetnaje kryło.Raniej arena naležała Bieraściejskamu chakiejnamu kłubu i była stratnaja. Ciapier ułaśnikam stanie abłvykankam.
«Z nas zdymuć taki bałast, jak kamunalnyja płaciažy. Kali pałac byŭ na našym bałansie, my prosta nie ŭ stanie byli apłačvać kamunałku ŭłasnymi siłami. A heta kala 300 miljonaŭ rubloŭ na miesiac, — raskazvaje dyrektar Ladovaha pałacu Vadzim Dračoŭ. — Ciapier za biudžetnyja hrošy budzie nabyvacca invientar».
U kancy 2010 h. taki ž los napatkaŭ Ladovy pałac
u Baranavičach. Adnajmiennaje kamunalnaje pradpryjemstva za hod pracy sabrała daŭhoŭ na $ 350 tysiačaŭ i było pieraviedzienaje na bałans horadu.
Aproč taho, na Bieraściejščynie areny jość u Pružanach i Kobrynie, a litaralna tydzień tamu chakiejnaja placoŭka adkryłasia ŭ Ivacevičach. Usie hetyja pałacy stratnyja i atrymlivajuć finansavańnie z abłasnoha biudžetu.
Adzinaje vyklučeńnie — Biaroza. Tamtejšy naležyć «Trajpłu», tamu straty kładucca nie na biudžet, a na ŭładalnika kampanii Juryja Čyža.«Našaja ŭstanova taksama prynosić prybytku mienš, čym strataŭ. Choć my sprabavali i źmianšać ceny, kab pryvabić novych naviednikaŭ, i pravodzili akcyi», — pryznajecca dyrektar Biarozaŭskaha ladovaha pałacu Uładzimir Skrapko.
