Papiaredniaje pasiadžeńnie adbyłosia 3 listapada: na im abviaścili pra zakančeńnie sudovaha śledstva pa spravie Dźmitryja Kanavałava i Uładzisłava Kavalova, jakich abvinavačvajuć u šerahu ciažkich złačynstvaŭ, u tym liku ŭ vybuchu ŭ minskim mietro 11 krasavika 2011 hoda.
11.00
Pačalisia sudovyja sprečki. Vystupaje prakuror Stuk.
Jon pačaŭ ź pieradhistoryi teraryzmu, kali jon pačaŭ źjaŭlacca ŭ žyćci biełarusaŭ «po nasłyškie». Bo Biełaruś była zaŭždy ŭ baku ad biesparadkaŭ,
Pa jaho słovach, śledstva vyjaviła asobu, jakaja ździejśniła ŭsie vybuchi ŭ Viciebsku i Minsku — heta Dźmitryj Kanavałaŭ. Stuk zaŭvažaje, što abvinavačany tak i nie vymaviŭ ni słova padčas suda. «Pierad nami partret krepkaha sieradniačka», — začytvaje charaktarystku Kanavałava Stuk.
Stuk adznačaje, što Kavaloŭ viedaŭ, što Kanavałaŭ pryvioz u Minsk vybuchoŭku. «Ciapier my viedajem, što Kanavałaŭ na vačach u Kavalova pryvodziŭ padrychtoŭku vybuchoŭki», — heta nibyta na zdymnaj kvatery.
Inkryminujecca:
U
U
U
U 2003 hodzie Kanavałaŭ ździejniśniŭ vybuch, pry jakim Kuksionki naniesiena nievialikaja škoda słychu. U hetym ža hodzie padpaliŭ kijosk.
U 2004 hodzie Kanavałaŭ ździejniŭ zamach na padpał kijoska. Ale jamu pieraškodzili. U hetym ža hodzie ździejniŭ vybuch samarobnaj vybuchoŭki kala čyhunačnaj stancyi «Hryšany». U hetym ža hodzie ździejśniŭ vybuch samarobnaj vybuchoŭki kala stancyi «Hryšany».
U 2005 hodzie ŭ dvary Kanavałaŭ padpaliŭ mašynu «Raf».
Z metaj destabilizacyi abstanoŭki ŭ 2005 hodzie Kanavałaŭ ździejśniŭ vybuch na prypynku hramadskaha tranpartu ŭ Viciebsku. Pa słovach Stuka, Kavaloŭ viedaŭ pra vybuch, ale nie paviedamiŭ pravaachoŭnym orhanam.
U 2005 hodzie Kanavałaŭ ździejśniŭ jašče adzin vybuch u Viciesbku. Kavaloŭ daviedaŭsia ad Kanavałava pra vybuch, ale nie paviedamiŭ pravaachoŭnym orhanam.
11.25
Stuk začytvaje pra dziejańni, u jakich taksama abvinavačvajucca Kanavałaŭ i Kavaloŭ, jakija papiaredničali terarestyčnym aktam — pakupka traciłu, vyrab vybuchovych prystasavańniaŭ, niedaniasieńnie.
Pa słovach Stuka, u sudzie nie było pradstaŭlena paćviardžeńniaŭ taho, što na Kavalova akazvaŭsia cisk padčas papiaredniaha śledstva, što mahło vymusić jaho davać niepraŭdzivyja pakazańni.
Pa słovach Stuka, vina va ŭsich inkryminavanych złačynstvach Kanavałavu maje paćviardžeńnie, niahledziačy navat na toje, što sam abvinavačany peŭnyja epizody admaŭlaje. Vina Kavalova taksama paćviardžajecca materyjałami spravy.
12.28
Pierapynak na 15 chvilin. Sudździa paprasiŭ usich pakinuć zału.
12.52
Praces adnaviŭsia.
13.14
Prakuror Stuk vykazaŭ svajo mierkavańnie nakont taho, čamu Kanavałaŭ pačaŭ admaŭlać epizody vybuchaŭ u Viciebsku ŭ 2005 hodzie. Na dumku Stuka, Kanavałaŭ nieabyjakavy da taho asiarodździa, u jakim žyŭ. I kali b jaho znajomyja daviedalisia, što heta jon, Kanavałaŭ, ździejśniŭ vybuchi, padčas jakich i jany mahli paciarpieć, stali b adnosicca da Uładzisłava niehtyŭna. A jon hetaha nie chacieŭ by.
13.50
Pierapynak da 14.45. Prakuroru Stuku zastałosia dačytać dokaznuju bazu pa epizodzie vybuchu ŭ minskim mietro.
14.49
Prakuror Stuk adznačaje, što vina Kanavałava i Kavalova ŭ vybuchu ŭ mietro paćviardžajecca daśledavanymi ŭ sudzie materyjałami.
Sa słoŭ Stuka, Kanavałaŭ admoviŭsia havaryć pra rolu Kavalova ŭ terakcie na śledstvie pa papiaredniej ź im damoŭlenaści. [To bok atrymlivajecca, što Kanavałaŭ i Kavaloŭ abmiarkoŭvali mahčymaść ich zatrymańnia i dalejšyja paodziny, pra što raniej nie havaryłasia.]
Stuk patłumačyŭ, čamu na niekatorych videa ź mietro byli ślady mantažu. Pa jaho słovach, na videa, jakoje było vyniata ź mietro, było šmat niepatrebnaj infarmacyi. Tamu byŭ zrobleny mižkadravy mantaž (ale nie ŭnutrykadravy, što paćvierdzili i ekśpierty), kab zrabić ahulny rolik.
15.43
Prakuror patrabuje dla Kanavałava i Kavalova rasstreł biez kanfiskacyi majomaści.
15.44
Adna z paciarpiełych uziała słova. Jana pierad sudom pastaviła šerah pytańniaŭ.
Čamu ŭ zaklučeńni ekśpiertyzy skazana, što na Kanavałavie nie było vyjaŭlena śladoŭ vybuchovych rečaŭ, kali Kanavałaŭ skazaŭ ŭ niekalkich mietrach ad vybuchu?
Čamu na chadajnictva advakata nie było prahledziena videa ź mietro paŭtorna ŭ sudzie?
Čamu pierad ekśpiertami nie staviłasia zadača pravieści vyprabavańnie vybuchoŭki, vyrab jakoj apisaŭ Kanavałaŭ, pa jaho zapisach nie zrabili i nie ŭzarvali jaje dla ekśpiertymientu na palihonie?
Žančyna pytajecca, moža byŭ niejki nastaŭnik, a heta «padsobnyja rabočyja», jakija nie zrabili i sotaj doli ŭrona. Jana ŭkazvaje na niestykoŭki ŭ materyjałach spravy. (usie słuchajuć cicha, sudździa nie pierapyniaje).
«Ja chacieła b, kab usio było prazrysta. A ja nie ŭpeŭnienie, što heta jany. Ja nie razumieju, chto za hetym staić».
15.57
Abvieščany pierapynak da 15 listapada da 11.00.
