Kanavałaŭ abvinavačvajecca ŭ ažyćciaŭleńni terakta ŭ minskim mietro 11 krasavika 2011 hoda, a Kavaloŭ — u dapamahańni teraryzmu. Abvinavačańnie śćviardžaje, što mienavita Kavaloŭ dapamoh Kanavałavu ažyćciavić vybuch na stancyi mietro "Kastryčnickaja".
Kanavałaŭ taksama abvinavačvajecca ŭ niezakonnym nabyćci, zachoŭvańni vybuchovych rečyvaŭ dla padrychtoŭki teraktaŭ, vyrabie nie mienš jak 12 SVP. Kavaloŭ — u niezakonnym nabyćci i zbycie vybuchovych rečyvaŭ, ukryvalnictvie pryłady złačynstva (damkrata, z dapamohaj jakoha Kanavałaŭ nibyta vyrablaŭ vybuchovyja rečyvy).
Papiaredniaje pasiadžeńnie adbyłosia 3 listapada: na im abviaścili pra zakančeńnie sudovaha śledstva pa spravie Dźmitryja Kanavałava i Uładzisłava Kavalova, jakich abvinavačvajuć u šerahu ciažkich złačynstvaŭ, u tym liku ŭ vybuchu ŭ minskim mietro 11 krasavika 2011 hoda. Siońnia, 14 listapada, pasiadžeńnie adnaviłasia. Na im vystupiŭ prakuror Stuk.
Jon pačaŭ ź pieradhistoryi teraryzmu, kali jon pačaŭ źjaŭlacca ŭ žyćci biełarusaŭ «po nasłyškie». Bo Biełaruś była zaŭždy ŭ baku ad biesparadkaŭ,
Pa jaho słovach, śledstva vyjaviła asobu, jakaja ździejśniła ŭsie vybuchi ŭ Viciebsku i Minsku — heta Dźmitryj Kanavałaŭ. Stuk zaŭvažaje, što abvinavačany tak i nie vymaviŭ ni słova padčas suda. «Pierad nami partret krepkaha sieradniačka», — začytvaje charaktarystku Kanavałava Stuk.
Stuk adznačaje, što Kavaloŭ viedaŭ, što Kanavałaŭ pryvioz u Minsk vybuchoŭku. «Ciapier my viedajem, što Kanavałaŭ na vačach u Kavalova pryvodziŭ padrychtoŭku vybuchoŭki», — heta nibyta na zdymnaj kvatery.
Inkryminujecca:
U
U
U
U 2003 hodzie Kanavałaŭ ździejniŭ vybuch, pry jakim adnamu hramadzianinu naniesiena nievialikaje paškodžańnie słychu. U hetym ža hodzie padpaliŭ kijosk.
U 2004 hodzie Kanavałaŭ ździejniŭ zamach na padpał kijoska. Ale jamu pieraškodzili. U hetym ža hodzie ździejniŭ vybuch samarobnaj vybuchoŭki kala čyhunačnaj stancyi «Hryšany». U hetym ža hodzie ździejśniŭ vybuch samarobnaj vybuchoŭki kala stancyi «Hryšany».
U 2005 hodzie ŭ dvary Kanavałaŭ padpaliŭ mašynu «RAF».
Z metaj destabilizacyi abstanoŭki ŭ 2005 hodzie Kanavałaŭ ździejśniŭ vybuch na prypynku hramadskaha tranpartu ŭ Viciebsku. Pa słovach Stuka, Kavaloŭ viedaŭ pra vybuch, ale nie paviedamiŭ pravaachoŭnym orhanam.
U 2005 hodzie Kanavałaŭ ździejśniŭ jašče adzin vybuch u Viciebsku. Kavaloŭ daviedaŭsia ad Kanavałava pra vybuch, ale nie paviedamiŭ pravaachoŭnym orhanam.
Pa słovach Stuka, u sudzie nie było pradstaŭlena paćviardžeńniaŭ taho, što na Kavalova akazvaŭsia cisk padčas papiaredniaha śledstva, što mahło vymusić jaho davać niepraŭdzivyja pakazańni.
Pa słovach Stuka, vina va ŭsich inkryminavanych złačynstvach Kanavałavu maje paćviardžeńnie, niahledziačy navat na toje, što sam abvinavačany peŭnyja epizody admaŭlaje. Vina Kavalova taksama paćviardžajecca materyjałami spravy.
Na hetym u sudzie byŭ abvieščany pierapynak na 15 chvilin. Sudździa paprasiŭ usich pakinuć zału.
Paśla pierapynku praces adnaviŭsia.
Prakuror Stuk vykazaŭ svajo mierkavańnie nakont taho, čamu Kanavałaŭ pačaŭ admaŭlać epizody vybuchaŭ u Viciebsku ŭ 2005 hodzie. Na dumku Stuka, Kanavałaŭ nieabyjakavy da taho asiarodździa, u jakim žyŭ. I kali b jaho znajomyja daviedalisia, što heta jon, Kanavałaŭ, ździejśniŭ vybuchi, padčas jakich i jany mahli paciarpieć, stali b adnosicca da Uładzisłava niehatyŭna. A jon hetaha nie chacieŭ by.
