Hutarka sa stvaralnikami sajta Goals.by — kiraŭnikom prajekta Maksimam Bierazinskim i hałoŭnym redaktaram Aleham Harunovičam.

Ofis Goals.by — u kvatery na pieršym paviersie staroha doma niepadalok «Instytuta kultury». Ścipłaja, napaŭspartanskaja atmaśfiera mužčynskaha kalektyvu. Ničoha lišniaha — aproč noŭtaŭ, mabiłak i płaźmiennaha TV u kalidory. Bierazinski (28 hadoŭ) i Harunovič (27 hadoŭ) — daŭnija znajomcy pa žurfaku BDU — dzielać adzin kabiniet na dvoch. Paśla abmierkavańnia apošnich spartovych padziej pačynajem hutarku «pad zapis».

Aleh Harunovič i Maksim Bierazinski.

Aleh Harunovič i Maksim Bierazinski.

Aleh Harunovič.

Aleh Harunovič.

Maksim Bierazinski.

Maksim Bierazinski.

Ofis Hoałz.baj vyhladaje ścipła.

Ofis Hoałz.baj vyhladaje ścipła.

Jak vyhladaje top-5 samych papularnych vidaŭ sportu ŭ Biełarusi?

Harunovič: Mahu skazać, jak vyhladaje top-2: futboł i chakiej.

Bierazinski: My rabili staŭku na dva vidy sportu, nie źbirajučysia padrabiazna ahladać valejboł, baskietboł dy inšyja. Futbołam i chakiejem u Biełarusi cikaviacca, tut jość hrošy, narmalnyja kłuby, zarodki markietynhu. Uvieś astatni sport — heta prosta amatarski ŭzrovień. I dla nas jany isnujuć pa reštkavym pryncypie — kali niešta cikavaje adbyvajecca, imkniemsia napisać…

Harunovič: Vielmi vialikaja roźnica pamiž futbołam i chakiejem dy ŭsim astatnim. Futboł, darečy, značna papularniejšy za chakiej — sychodziačy z kolkaści prahladaŭ materyjałaŭ. I kali ŭ nas śmiajucca z taho, što na futboł chodziać dzie-niebudź u Salihorsku pa 2 tysiačy čałaviek, to na valejboł źbirajecca pa 100 čałaviek. Papularnaść sportu na vielmi nizkim uzroŭni.

Bierazinski:

U Čechii, naprykład, dzie taksama žyvuć prykładna 10 miljonaŭ ludziej, sportam tak ci inakš cikaviacca kala 25–30% nasielnictva: chodziać na stadyjon abo čytajuć spartovuju presu. Pa Biełarusi takoj statystyki niama, ale my prykidvali, što nie bolš za 5%.
To bok heta mif — što my spartovaja kraina?

Bierazinski: Mif. Dastatkova pahladzieć na tyraž hałoŭnaj spartovaj haziety krainy. U «Presboła» tyraž 20 tysiač.

Heta šmat pra što havoryć.

Harunovič: Možna jašče zirnuć na kolkaść spartovych haziet, na ich jakaść…

Prablema spartovaj presy ŭ tym, što niama dobrych mieniedžaraŭ?

Harunovič: A dzie jany jość, mieniedžary? U nas usie prablemy zvodziacca da adnaho.

Bierazinski: Druhaja vialikaja prablema — heta adsutnaść kadraŭ. Na žurfaku, naprykład, niama nijakaha mieniedžmientu presy.

Kali zaŭtra źmienicca ŭłada, i apyniecca, što vielmi šakaładna rabić haziety, adkul źjaviacca hetyja haziety ci sajty?
Niama adkul uziacca ludziam, jakija b heta rabili. Prablema aŭtaraŭ staić vostra. Kali rabić niejkuju adnastajnuju pracu z dnia ŭ dzień — na heta jašče možna znajści čałavieka. Ale čałavieka z kreatyŭnymi idejami znajści ŭžo składana.

A vy adkul uzialisia?

Bierazinski: My taksama z žurfaku. Kali čałaviek tudy prychodzić ź niejkimi dumkami, to hetyja dumki nie hublajucca. Kali ŭ čałavieka niama stryžnia i razumieńnia, što rabić, to jamu tam ničoha nie dajuć.

Jak vy aŭtaraŭ znachodzicie?

Bierazinski: Pa-roznamu. Adsočvajem spartovyja vydańni, z kimści razmaŭlajem, niechta sam prychodzić, prapanoŭvaje siabie.

Harunovič: Mikita Miełkazioraŭ, naš aŭtar, pracavaŭ u haziecie «Vsio o futbole», pisaŭ tam poŭnuju łuchtu, braŭ niejkija intervju. Pryjšoŭ da nas, raskryŭsia. Robić vielmi jakasnyja, cikava napisanyja repartažy z futbolnych matčaŭ. Idzie na futboł, jak na viečarynku. Farsista apranajecca. Praktyčna śviecki ahladalnik.

Bierazinski: Jašče možna ŭzhadać adnaho aŭtara, jaki da taho, jak pryjšoŭ da nas, na padšypnikavym zavodzie pracavaŭ.

Čamu sproby stvareńnia vialikich spartovych sajtaŭ ničym raniej nie zakančvalisia? A ŭ vas usio atrymlivajecca…

Harunovič: Nu, naša sproba taksama pakul ničym asablivym nie skončyłasia. My jašče nie zrabilisia samym naviedvalnym spartovym sajtam krainy. I nie vyjšli na toj uzrovień akupnaści, jaki chacieli b.

Bierazinski:

U nas jość peŭnyja resursy i jasnaje razumieńnie taho, jak my možam damahčysia pośpiechu.
Da taho, jak my źjavilisia, u krainie nie było nivodnaha śpiecyjalizavanaha spartovaha sajta, dzie možna było b u režymie realnaha času čytać naviny čempijanatu Biełarusi pa futbole. My zapoŭnili hety prabieł. I akazałasia, što heta zapatrabavana. Za paŭtara hoda my biez usiakaj rekłamy sabrali aŭdytoryju 15 tysiač unikalnych karystalnikaŭ na dzień, uvachodzim u tryccatku samych naviedvalnych sajtaŭ krainy. U bližejšaj budučyni zapuścim niekalki servisaŭ, jakija pavinny stać praryŭnymi dla Biełarusi.

Karaciej, pieranosicie siudy madel Sports.ru.

Bierazinski: My pieranosim madel paśpiachovych internet-resursaŭ.

Harunovič: Sports.ru aryjentavany na zamiežny sport. My ž apisvajem biełaruski sport, užyvajučy ich padychody. U Sports.ru mocnyja aŭtary. U Biełarusi nie znojdziecca ludziej, jakija mahli b hetak ža bliskuča raźbiracca ŭ Prem'jer-lizie abo ŭ Sieryi «A». Da nas prychodziać ludzi i kažuć: ja chacieŭ by pisać pra čempijanat Hiermanii. «A ty jaho hladziš?» — «Nu, nie hladžu, u internecie čytaju».

Jak vyhladaje vaša aŭdytoryja? Ci možna namalavać partret siaredniaha čytača Goals.by?

Bierazinski: Bolš za 80% — heta mužčyny. Jość mierkavańnie, nibyta sportam cikaviacca tolki mužyki ŭ tapkach i trenikach abo vajaŭničyja fanaty. Ale heta zusim nie tak. Siarod tych, chto sportam cikavicca, dosyć bahatych ludziej, top-mieniedžaraŭ, uładalnikaŭ biźniesu. Pavodle statystyki Gemius, u nas pakaźniki ŭ hetych katehoryjach vyšejšyja, čym u siarednim pa internecie.

I heta ŭžo da razmovy pra toje, što ŭ Biełarusi možna narmalna pradavać sport.

A ci cikavy sport biełaruskamu rekłamadaŭcu?

Bierazinski: Sport jak taki vielmi słaba cikavić biełaruskija kampanii. Zirnicie na biłbordy vakoł futbolnych paloŭ. Tam čamuści rekłamujucca rajvykankamy. Ale my svaim prykładam pakazvajem, što biełaruski sport moža być cikavy zvyčajnamu spažyŭcu, što jon moža źbirać razumnuju aŭdytoryju.

Harunovič: Rekłamadaviec, jak mnie zdajecca, kansiervatyŭny. Jon addaje pieravahu tym placoŭkam, jakija viedaje nie pieršy hod. Tak što nam, maładym, davodzicca prapanoŭvać niešta niezvyčajnaje, kab atrymać svaju krychu ŭvahi.

Jakija materyjały vyklikajuć na sajcie najbolš žorstkija sprečki?

Harunovič:

U futbole srač čaściej za ŭsio razharajecca, kali materyjał tyčycca abo mienskaha «Dynama», abo BATE — u hetych kamand bolš za ŭsio zaŭziataraŭ. Niehatyŭnuju reakcyju vyklikaje duraść pradstaŭnikoŭ ułady — abo ich biaździejnaść, abo nieadekvatnyja ŭčynki. Dastatkova ŭspomnić incydent u Babrujsku, dzie supracoŭnik AMAPu paliŭ ślozatačyvym hazam zaŭziataraŭ staličnych dynamaŭcaŭ. Tady ŭ nianaviści da hetaha amapaŭca abjadnalisia ŭsie zaŭziatary.

Nakolki ciažka naładžvać adnosiny z našymi spartovymi funkcyjanierami, pres-słužbami?

Bierazinski: Jość tolki chakiejnaje «Dynama» i BATE, jakija imknucca vybudavać cyvilizavanuju pracu z presaj. Choć nasamreč pakul čaściej ad ich nie stolki dapamohi, kolki pieraškod. U astatnim u nas — kamienny viek. Ty prosta možaš, a 10-j viečara nabrać luboha futbalista našaj krainy i pahavaryć ź im pra što zachočaš.

Dyk heta ž dobra.

Bierazinski: Dobra z adnaho boku. My naŭprost z usimi trymajem suviaź. Ale ŭ nas pres-słužby stvorany dla taho, kab zaścierahčy spartoŭca ad lišniaj uvahi. Navat nie tak. Prosta kab ničoha nie rabić. Pres-ataše lanujecca nabrać lišni raz numar kahości i pra niešta paprasić, jamu praściej skazać: «Spartoviec nie moža».

Harunovič: Nu i jašče takaja biełaruskaja tradycyja, što pres-słužbu zvyčajna składajuć žurnalisty jakoha-niebudź vydańnia. Naprykład, pres-słužbu BATE składajuć chłopcy z «Presboła».

Palityki ŭ sporcie šmat?

Bierazinski: Sport — najmienš zakranutaja palitykaj tema. Tut možna rabić cikavyja štuki, nie zakranajučy palityku. A svaju pazicyju možna vykazvać praź niejkija apasrodkavanyja rečy.

U što Goals.by maje pieratvarycca praz 2–3 hady? Jak vy bačycie svaju budučyniu?

Harunovič: U mianie, viadoma, jość mara pra miedyjachołdynh, jaki ŭklučaŭ by ŭ siabie nie tolki spartovy sajt, ale i telebačańnie, radyjo, hazietu. Ale heta takaja supiermara.

Bierazinski: U bližejšyja hod-paŭtara pierad nami jość zadača — vyjści na samaakupnaść. Dla hetaha nam treba zapuścić niekalki novych servisaŭ, pracavać nad palapšeńniem kantentu i bolš efiektyŭna ŭzajemadziejničać z rekłamadaŭcami.

Pra hałoŭnaje nie spytaŭ — sami sportam zajmajeciesia?

Bierazinski: Paru razoŭ na tydzień imkniemsia ŭ futboł hulać. Chacia nie zaŭsiody atrymlivajecca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?