U Minsku pačałosia budaŭnictva tralejbusnaj linii pa vulicy Sucharaŭskaj (ad vuł. Łabanka da vuł. Šaranhoviča).
Pra heta paviedamili ŭ TKUP «Minsktrans».
Da kanca hoda budzie atrymanaja dakumientacyja na arhanizacyju tralejbusnaha ruchu pa vulicach Sucharaŭskaj, Skrypnikava i Adzincova ad razvarotnaha kalca Sucharava-6 da vuł. Łabanka.
Akramia taho, viaducca prajektna-pošukavyja raboty pa budaŭnictvie tralejbusnaj linii pa praśpiekcie Žukava i vuł. Aeradromnaj (ad praśpiekta Dziaržynskaha da vuł. Majakoŭskaha). U siarednieterminovaj pierśpiektyvie heta dazvolić pavialičyć praciahłaść kantaktnaj sietki hetaha vidu transpartu na 10–15%. U svaju čarhu zaviaršeńnie kapitalnaha ramontu vuł. Majakoŭskaha zrobić mahčymym prychod hetaha vidu transpartu ŭ Łošycu ŭžo da kanca hoda.
U «Minsktransie» nahadali, što ŭ ciapierašni čas uzvodzicca novy ŭčastak 1-j linii mietrapalitena (ad stancyi «Instytut kultury» ŭ mikrarajon Paŭdniova-zachad), uvod u ekspłuatacyju jakoha zapłanavany na vosień 2012 hoda. Pačataje pracoŭnaje prajektavańnie 3-j linii, puskavy ŭčastak jakoj daść mahčymaść stvaryć «trochvuholnik pierasadak».
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
