Vajennaja ekspazicyja ŭ Brasłaŭskim muziei. Fota maystra.io.ua.
Brasłaŭski krajaznaŭčy muziej trapiŭ pad apieracyju «Arsienał» — dobraachvotnuju zdaču nielehalnaj zbroi dziaržavie. Ekspazicyja časoŭ Druhoj suśvietnaj vajny, jakaja zachoŭvałasia ŭ zale ź sihnalizacyjaj, całkam apynułasia ŭ Brasłaŭskim RAUSie.
Skarystacca takoj zbrojaj niemahčyma ŭ pryncypie — usie miechanizmy ź jaje papiarednie vydalenyja. Heta ŭsio adno, što pasprabavać prajechacca na minskim tanku-«vyzvalicielu», što staić la Domu aficeraŭ.
Siarod skanfiskavanaj u Brasłavie zbroi jość i ŭlubioniec publiki, kulamiot «Maksim», la jakoha zaŭždy fatahrafavalisia turysty i žychary Brasłava.
«21 adzinka zbroi, — kaža dyrektar brasłaŭskaha muziejnaha abjadnańnia Alaksandr Pancialejka. — Adnak
nam viernuć jaje tady, kali ŭ nas buduć dakumienty na zbroju. Paśla vybuchu ŭ mietro heta zdaryłasia — tam była pastanova pravieści apieracyju „Arsienał“u try dni da pieršaha maja. Usia muziejnaja zbroja niepracoŭnaja — heta ahulnaviadoma, my pradjavili dakumienty, jakija paćviardžajuć heta. Adnak vyśvietliłasia, što
da nas patrabavańni, jak da palaŭničych — usia zbroja musić mieć afarmleńnie».
U Brasłaŭskim RAUSie infarmacyju paćvierdzili, adnak zbroja ŭžo paśpieła pierajechać va Upraŭleńnie ŭnutranych spravaŭ Viciebskaha abłvykankamu. Viernuć jaje ŭ Brasłaŭ, kali muziej aformić dakumienty. «Muzieju patrebna licenzija dziaržaŭnaha ŭzoru, — kaža načalnik brasłaŭskaj milicyi Viačasłaŭ Hryščanka. — U lubym vypadku heta zbroja naraznaja, navat nie palaŭničaja, na naraznuju zbroju abaviazkova patreba licenzija.
A toje, što jana nie pracoŭnaja… va ŭmiełych rukach našaha naroda i pałka moža strelić.Taki samy
rejd pravodziŭsia pa ŭsich muziejach, navat školnych: tudy ž prynosiać usiakaje — navat hranaty.Heta ahulnarespublikanskaja prahrama — va ŭsioj krainie pravodziacca pravierki i ŭ muziejach u tym liku. Usia zbroja znachodzicca na adkaznym zachavańni.
Jak tolki budzie licenzija, my adrazu zbroju pryviaziom sami».
