Kryminalnaja sprava ŭ dačynieńni da biełaruskaha pravaabaroncy Alesia Bialackaha — prykład taho, jak «možna vykarystoŭvać mižnarodnyja damovy nie pa pryznačeńni». Pra heta zajaviŭ pasoł Polščy ŭ Biełarusi Lešak Šarepka 16 listapada na
«Padpisanaja damova była nieabchodnaja dla baraćby sa złačynnaściu. A toje, što zrabiŭ biełaruski bok, — takija dziejańni tolki škodziać supracoŭnictvu», — skazaŭ Šarepka. Nahadajem, padstavaj dla kryminalnaha pieraśledu Bialackaha stała infarmacyja ab jaho rachunkach u zamiežnych bankach, pieradadzienaja biełaruskim uładam Miniustam Litvy i Hienprakuraturaj Polščy ŭ ramkach damovaŭ ab pravavoj dapamozie.
Dypłamat taksama prakamientavaŭ situacyju z polskaj hramadziankaj Mahdalenaj Kalinoŭskaj. Nahadajem, 11 listapada adździaleńnie hramadzianstva i mihracyi Kastryčnickaha RAUS Mahilova zapatrabavała, kab Kalinoŭskaja, jakaja źjaŭlajecca supracoŭnicaj fondu Institutum Orientalium i rychtavała ŭ Mahilovie stažoraŭ dla navučańnia ŭ Polščy navykam viadzieńnia biźniesu, pakinuła Biełaruś da 16 listapada. Pryčynaj departacyi stała parušeńnie režymu znachodžańnia ŭ Biełarusi — Kalinoŭskaja pražyvała nie pa miescy rehistracyi.
Šarepka paviedamiŭ, što konsulskaja słužba pasolstva Polščy dapamahła Kalinoŭskaj aformić i padać usie dakumienty dla abskardžańnia hetaha rašeńnia.
«Mahčyma, jana nie vykanała ŭsie pracedury. U Polščy niama takoj pracedury rehistracyi. Ale ŭ lubym vypadku, dumaju, jana nie naŭmysna heta zrabiła», — padkreśliŭ dypłamat.